Асосий касалликнинг баёии

Стрептодермияларнинг 
энг кўп учрайдиган ва диққатга сазовор турлари ширинча 
(импетиго), кўзяра (эктима), хушки (қуруқ стрептодермия) ва сарамас (рожа) ҳисобланади. 
Стрептококкли импетиго (ширинча) терининг энг кўп тарқалган йирингли касалликлари 
қаторига киради. Бу касалликда терида аввал яллиғланган доғ (эритема) пайдо бўлади,
сўнгра юмшоқ пуфак (фликтена) ривожланади. Пуфакнинг атрофи қизариб, ҳажми 
катталашиб боради. Пуфак очилиб, суюқлиги чиққач кўкимтир сарғиш қатқалок ҳосил 
бўлади. Қатқалоқ кўчиб тушиб тери битади, бунда атрофия ѐки чандиқ ҳосил бўлмайди. 
тошмалар кўпинча очиқ соҳаларида (юз, қўл) учрайди. Баъзан пуфаклар юзни бутунлай 
қоплаб олади, йирингли-сероз суюқлик оқиб туради. «Ширинча» номи ана шундан келиб 
чиққан. 
Кўзяра (вульгар эктима)
стрептодермияларнинг яра хосил киладиган туридир. 
Аввал пуфак ва йирингча пайдо бўлади. Бироқ, бу икки тошма чуқур жойлашган бўлади. 

---

Кўзярада кузатиладиган пуфаклар (фликтена) тери пўсти остида жойлашган бўлиб, 
яллиғланиш жараѐни бутун дермани эгаллаб олади. Пуфаклар ва йирингларни қоплайдиган 
қатқалоқ очилгандан сўнг чуқур яра ҳосил бўлади. Бу яранинг туби тери ости ѐғ қаватигача 
етади, «кўзяра» деб аталиш сабаби ҳам ана шундан. Яранинг шакли айлана ѐки овалсимон, 
четлари маддалаган. тубидан шиллиқли-йиринг ажралиб туради, баъзан қонайди. Кўзяранинг 
чипқондан фарқи яра чуқур жойлашган бўлишига қарамасдан деярли оғримайди, ичида ўзаги 
йўқ. Ширинчадан фарқи шуки, касаллик секин ривожланади, яранинг туби йирингдан 
тозалангач чандиқланади. Ширинча эса ўткир кечади, яра ва чандиқлар ҳосил бўлмайди. 
Кўзяра захм яраси (захм эктимаси)дан ҳам фарқ қилиниши зарур. Захмда яраларнинг чети 
қаттиқ, асосида тўпланган мадда ҳам қаттиқ. Қолаверса захмга хос бошқа белгилар ва 
серологик реакцияларнинг жавоби уни кўзярадан фарқлашда ѐрдам беради.