Махсус таълим вазирлиги мирзо улуғбек номидаги

60-расм.
 
Номозшом гул (
Mirabilis jalapa
) да ола–була
барглиликнинг ирсийланиши. 
Оналик сифатида яшил(1), ола-була (2)
ва оқ (3) баргли ўсимлик шохлари олинган. 

---

232 
61-расм.
 
Ҳужайранинг бўлинишида оқ ва яшил пластидаларнинг тасодифан 
тақсимланишини акс эттирган схема. 
1–ҳосил бўлган икки ҳужайранинг биридан оқ қисм(а), бошқасидан 
ола-була рангли қисм (б) ҳосил бўлади; 2 - ҳосил бўлган икки 
ҳужайранинг биридан яшил қисм (в), бошқасидан ола-була қисм (г) 
ҳосил бўлади; АВ ва ВГ – ҳужайра бўлинишининг чизиқлари. 
Баъзи ўсимликлар масалан, ёронгул - геран (
Pelargonium zonale
) да 
пластидалар нафақат тухум ҳужайралар, балки чанглар орқали ҳам 
берилади, шу сабабли бу турнинг ола-була баргли индивидларида авлодлар 
пластидаларининг характери ҳар икки ота-онага боғлиқ бўлади. Аммо 
ўтказилган реципрок чатиштиришларда она организмнинг босим 
келишлиги аниқланган. Бу ҳолат зиготага чангларнинг тухум ҳужайрага 
нисбатан кам пластидалар олиб келишлиги, ёхуд зиготада оталик пластида 
геномининг 
сайланма 
элиминацияси 
(нобуд 
бўлиши) 
орқали 
тушунтирилади. 
VIII.4.2 
Митохондрия плазмогенлари орқали ирсийланиш 
Митохондрия ҳужайранинг нафас олишини таъмин этувчи цито-
плазма органоидларидан бири. Уларнинг таркибида ҳам плазмоген ДНКси 
молекуласи топилган. Митохондриялар мустақил бўлиниб кўпаяди. Улар-
нинг ДНКси бошланғич ҳужайранинг бўлиниши натижасида ҳосил бўлган 
янги ҳужайраларга бўлиниб тарқалган бўлади. Митохондрия ҳам цитоплаз-
матик ирсийланишни амалга оширадиган ирсий омиллар – генларга эга. 
Кўп ҳужайрали эукариот организмлар митохондрия генетикасини 
ўрганиш учун жуда ноқулай объект ҳисобланади, чунки уларнинг 
ҳужайралари аэроб-кислород билан нафас олишга жуда мослашган 
бўладилар. Шунинг учун ҳам улар тажриба жараёнида митохондриянинг 

---

233 
нафас олиш фаолиятининг камайиши билан боғлиқ жараёнда нобуд бўлиб 
кетадилар. Қайд этилган сабабга биноан митохондрия генетикаси 
соҳасидаги аксарият тадқиқотлар анаэроб нафас оладиган прокариотларда 
амалга оширилган. 
Митохондриялар орқали ирсийланувчи белгиларни хамиртуруш 
(ачитқи) замбуруғи (
Saccharomyces cerevisiae
) да биринчи марта 1940 
йилларнинг охирида Б.Эфрусси лабораториясида аниқланди. Хамиртуруш 
замбуруғларининг ҳаёт цикли 62-расмда тасвирланган. Улардаги гаплоид 
клонлар жинс бўйича икки типга бўлинади ва улар