Илмий тадқиқот асослари: 1000 саволга 1000 жавоб тошкент–2019

 
375 - САВОЛ: 
ТАДҚИҚОТ МАТЕРИАЛИНИ ТУШУ-
НИШ – БУ ҚАНДАЙ ЖАРАЁН? 
ЖАВОБ: Тадқиқот материалини тушуниш – бу тадқиқот 
материалларини тушуниб етишдан иборат бўлиб, илмий тадқиқот 
ишини олиб боришда вақт бюджети ва тадқиқот сифатини 
(аниқлилиги, ишончлилиги, амалийлиги, қулайлиги ва шу 
кабилар) оширишни кафолатлайди. Умуман олганда, тушуниш – 
мантиқий фикрлашга асосланган мавжуд билимлар асосида, 
қилинган таққослашлар, умумлаштиришлар орқали ҳосил 
қилинган билимлар ва асосланган ишчи гипотеза ҳамда илмий 
башоратларни ифодалаш ҳақидаги билим. 
КЎРСАТМА: Маълумки, тадқиқот материалини чуқур 
ўрганиш тадқиқот материалларини ҳақиқий ўрганишдир. Бунда 
материалларни ўрганишга умумий тарзда эмас, балки чуқур 
илмий, таҳлилий нуқтаи назаридан ёндашилади ва бундан 
тадқиқот олиб боришда тўлиқ фойдаланишга эришиш керак.
 
376 - САВОЛ: 
ТАДҚИҚОТ ОБЪЕКТИНИ ТАНЛАШ – 
БУ ҚАНДАЙ ЖАРАЁН? 
ЖАВОБ: Тадқиқот объектини танлаш. Бу жараён бевосита 
тадқиқот мавзуси ва вазифалари, унинг долзарблиги асосида, яъни 
улар талабларини қондира олишни таҳлил қилингандан кейин 
тадқиқот объекти танланади. Бу ерда у нафақат танланади, балки 
тадқиқот объектининг умумий тавсифи, уни ифодаловчи омиллар, 
ўзгариш ва аниқланиш соҳаларини ҳам таҳлил қилиб, тадқиқот 
мақсадига мос чегаравий шароитлар ҳам ҳал этилади. 
КЎРСАТМА: 1. Тадқиқот объекти ва унга боғлиқ маълу-
мотларни йиғишда сонли ва сифатли маълумотларни бир хил 
шаклга (кодлаштириш ёрдамида) келтириш керак. 
2. Тадқиқот объекти бўйича ҳосил қилинган элементлар, қисм 
элементлар, қисмтизимлар ва тизим орасидаги функционал 
муносабатларни ўрнатиш педагогик илмий тадқиқот ишини олиб 
боришнинг оптимал вариантларидан бирини қўлга киритишга 
катта имконият яратади. 

---

264