Мавзу: Паразитизмнинг ва трансмиссив табиий манбали касалликларнинг биологик асослари. Тиббиёт протозоологияси. Маъруза материаллари

---

МАЪРУЗА 
 
МАВЗУ:Паразитизмнинг ва трансмиссив табиий манбали 
касалликларнинг биологик асослари. Тиббиёт протозоологияси. 
 
Маъруза материаллари: 
Маъруза материалларининг структураси: 
-долзарблиги: Маърузада паразитологиянинг асоси – паразитлар ва 
уларнинг биологияси, экологияси, паразитизм тушунчаси, унинг хиллари, 
касаллик қўзғатувчи паразитлар ҳамда уларга қарши курашиш асослари баён 
этилади. Мазкур маъруза асосида талабалар паразитологияга доир илмий 
атамалар ва уларнинг моҳиятини англаб оладилар. Содда ҳайвонларнинг 
характерли томонларини тушунтириш ва уларнинг классификациясини, 
паразит саркодалилар, хивчинлилар, споралилар ва инфузорияларнинг 
тузилиши, 
ривожланиши, 
юқиш 
йўллари, 
диагностикаси 
ва 
профилактикасини ўрганадилар. 
-статистик маълумотлар: Бугунги кунда умумий ҳайвон турларининг 6-7% 
и зоопаразитлар ҳисобланади. Республикамиз аҳолиси ичида тери 
лейшманиози, трихамоноз, лямблиоз, амёбиаз, балантидиаз ва безгак каби 
содда ҳайвонлар келтириб чиқарувчи паразитар касалликлар маълум бир 
частотада учраб турибди.
- УАШ тайёрлашдаги аҳамияти: Бу мавзу орқали талабалар паразитлар 
биологияси, экологияси, паразитизм хиллари, паразитлар қўзғатадиган 
касалликлар, уларни аниқлаш усуллари ҳамда бу касалликларнинг олдини 
олиш ва қарши курашиш чораларини ўрганадилар. Бу олган билимларини 
экология, эпидемиология, юқумли касалликлар, тери-таносил касалликлари 
ва бошқа клиник фанларни ўрганишда кенг фойдаланилади. 
Ҳар бир турнинг ўзига хос хусусиятлари, тузилиши ва экологияси 
бўлиши туфайли ҳар бир шифокор одам паразитларининг тутган ўрнини, 
қайси тип, синф ва турга мансублигини, ривожланиш цикли, юқиш йўллари, 
патоген таъсири, диагностикаси ва профилактикасини билиши лозим.

---

- фанлараро интеграция: тиббий биология ва умумий генетика фанининг 
паразитология бўйича берган назарий билимлари умумий экология, 
физиология, иммунология, эпидемиология, патологик физиология ва 
патологик анатомия фанлари билан горизантал интеграцияда; клиник фанлар 
– терапия, жаррохлик, урология, акушер-геникология, эпидемиология, 
юқумли касалликлар, тери-таносил касалликлари фанлари билан вертикал 
интеграцияда дарс олиб борилади.