Мавзу: Паразитизмнинг ва трансмиссив табиий манбали касалликларнинг биологик асослари. Тиббиёт протозоологияси. Маъруза материаллари

Дифференциал диагностика: Талабалар маърузада паразитларнинг 
морфологияси, ривожланиш цикли, юқиш йўллари, патоген таъсири ва 
диагностикаси ҳақида олган билимлари билан ҳар бир паразитнинг манбаси, 
организмнинг қаерида паразитлик қилиши ташувчиси ва улар орқали юқиши 
ҳақида маълумотларга эга бўладилар. Бу олган маълумотлари шифокорга 
клиник амалиётда паразитар касалликларни юқиши, касалликнинг кечиши ва 
диагностикасини дифференциал таққослаб ўрганиш имкониятини беради.
Профилактика масалари: Паразитар касалликларни одамлар ўртасида 
тарқалишини олдини олишда профилактика масалалари алоҳида ўрин тутади, 
шу сабабли шифокор ҳар бир паразитнинг манбаси, юқиш йўллари ҳақида 
маълумотларга эга бўлгандан кейин бу касалликларни олдини олишнинг 
профилактик чора-тадбирларини ишлаб чиқиш имконига эга бўладилар. 
Анимациялар: Лейшмания. Трипаносома. Безгак. Трихомонада 
(фильмлар). 
 
 

 
Маърузада ўрганиладиган саволлар: 
 
1. Паразитизм – бу биологик феномендир. Паразит ҳайвонлар таснифи, 
паразитизмнинг пайдо бўлиши. 
2. Паразит ва хўжайин организмлараро муносабати. Трансмиссив ва табиий 
манбали инвазион ва инфекцион касалликлар, паразитар касалликларга 
қарши курашнинг экологик жабҳалари. 
3. Тиббиёт протозоологияси. 

---

4. Одамларда паразитлик қилувчи хивчинлилар ва споралилар.
5. Одамларда паразитлик қилувчи саркодалилар ва инфузорийлар. 
 
Паразитологиянинг асосий тушунчалари ва экологик асослари. 
Паразитология комплекс биологик фан бўлиб, паразитлар биологияси ва 
экалогияси, паразитизм хиллари ва шунингдек паразитлар кўзғатадиган 
касалликлар, ҳамда уларга қарши кураш усулларини ўрганувчи фандир. 
Одамда учрайдиган паразитларни, улар келтириб чиқарадиган касалликларни 
ва уларга қарши кураш усулларини ўрганадиган фан тиббий паразитология 
дейилади. Тиббий паразитология ўз ичига 3 та асосий соҳани олади: 1)