O’zbekiston respublikasi xalq ta`limi vazirligi

3.3. Geometriya fanidan 7-sinf uchun DTS bo’yicha o’quvchilar egallashi lozim bo’lgan bilim, ko’nikma va malaka me’yorlari, o’quv dasturi va namunaviy soatlar taqsimoti
Umumiy o'rta ta’limning davlat ta’lim standarti o'quvchilar umumta’lim tayyorgariigiga, saviyasiga qo'yiladigan majburiy minimal darajani, ta’lim mazmuni, shakllari, vositalari, usullarini, uning sifatini baholash tartibini belgilab beruvchi hujjatdir. Davlat ta'lim standarti o'z mohiyatiga ko'ra o'quv dasturi, darsliklar, qo'llanmalar va boshqa me’yoriy hujjatlarni yaratish uchun asos bo'lib xizmat qiladi. Shunday bo'lgach, har bir fan bo'yicha yaratilgan davlat ta’lim standarti va o'quv dasturiarini sinchiklab o'rganish va uni joriy etish har bir pedagog uchun kasbiy burch hisoblanadi.
Umumiy o'rta ta'limning davlat ta'lim standartining tayanch o'quv rejasi, ta'lim sohalari (o'quv fanlari) mazmuni, maktab bitiruvchilarining akademik litsey va kasb-hunar kollejlarida o'qishini davom ettirish uchun umumiy ta’lim tayyorgariigiga doir minimal majburiy talablar bayonini ifoda etadi. Umumiy o'rta ta’limning davlat ta'lim standartida ta'lim sohalari (o'quv fanlari) mazmuni qisqacha taqdimot tarzida bayon etilgan. Bunga ko'ra har bir fan bo'yicha standaitga sharhlar ishlab chiqilgan. O'zbekiston Respublikasi Xalq ta’limi vazirligining axborotnomasi bo'lmish “Ta’lim taraqqiyoti” jurnalining maxsus sonlarida kitob tarzida 1999 yilda nashr ettirilgan. Mazkur nashrning 2-maxsus sonida matematika bo'yicha davlat ta’lim standarti va unga sharh chop etilgan. Standartga berilgan sharh umumiy o'rta ta’limning davlat ta'lim standarti tamoyillari asosida umumiy o'rta ta'lim maktablarida matematika fani bo'yicha davlat ta'lim standartlari, me’yoriy talab darajalarini sharhlab berdi.
Matematika fani bo'yicha davlat ta’lim standarti
Davlat ta’lim standarti matematikadan ta'lim mazmunining majburiy hajmini; o'quvchilarning yosh xususiyatlari, ehtiyoj va imkoniyatfarini hisobga olgan holda tanlanadigan o'quv yuklamasiniing yuqori miqdordagi hajmini; asosiy yo'nalishlar bo'yicha o'quvchilarning bilim, ko'nikma va malakalariga qo'yiladigan talablar va ularni baholash me’yorlarini belgilab beradi.Matematika kursini o'zlashtirishda maktab o'quvchilari egallashlari zarur bo'lgan bilim, ko'nikma va malakalarga Davlat tomonidan qo'yiladigan talablar bayon qilinadi. Bunda o'quvchilarga har bir yo'nalish doirasida matematika ta’limining imkoniyat va me'yorlar orasidagi o'zaro muvofiqlik va mutanosiblikni ta’minlash muhim ahamiyatga ega.