O’zbekiston respublikasi veterinariya va chorvachilikni rivojlantirish qo’mitasi samarqand veterinariya meditsinasi instituti veteriariya jarrohligi kafedrasi operativ xirurgiya va anesteziologiya fanidan

5-rasm. Skalpellar. 1-Ko’z uchun ishlatiladigan qorinchali skalpel; 2-O’tkir uchli skalpel;
3,4-Qorinchali skalpel; 5-bo’shliq organlar uchun salpel

Qaynatish usuli bilan jarroxlik asboblarni sterilizasiya qilish uchun quyidagi eritmalar va qaynatish vaqti tavsiya etiladi:

1 % natriy karbonat eritmasi – 10 daqiqa,
3 % bura eritmasi – 20 daqiqa,
0,1 % natriy ishqori eritmasi – 5 daqiqa.
Sterilizasiya vaqti tugagach to’r bilan birga jarroxlik asboblar eritma ichidan chiqarib olinadi va sterillangan kornsang bilan stolga teriladi, ular kerak bo’lgancha ustini sterillangan choyshab bilan yopib qo’yish kerak.
6-rasm. Qaychilar. 1 – to’g’ri qaychi; 2 – O’tmas uchli qiyshiq qaychi, (Kuper qaychisi); 3 – O’tmas uchli qaychi (Rixter qaychisi); 4 – oftalmologik qaychi
Shprislarni kimyoviy modda qo’shilmagan distillangan suvda qaynatish usuli bilan sterilizasiya o’tkaziladi, bunda ular albatta qismlarga ajratiladi. Sterilizasiya muddati 40 daqiqa. Shpris bilan birga mandrensiz ignalar ham sterilizasiya qilinadi. 4,0 % ammoniy xlorid eritmalarida ebonitdan, rezinadan, kauchukdan yasalgan kateterlarni 5 daqiqa davomida qaynatib steril holatiga keltirish mumkin.
Operatsiya tugagandan keyin jarroxlik asboblar qayta sterilizasiya qilinishi kerak. Jarroxlik asboblari yiringli Operatsiyadan keyin yoki ish jarayonida tasodifan yerga tushib ketsa, ularni 0,5 % lizol eritmasida 30 daqiqa qaynatish zarur. Qon oladigan va sanchish ignalarni ishlatib bo’lgandan keyin ularni 40 daqiqa distillangan suvda qaynatish kerak.


Kuydirish usuli bilan jarroxlik asboblarini sterilizasiya qilish
Ba’zan favqulot sharoitida vaqtning o’ta tig’izligi sababli xirurgik asboblarni qaynatish mumkin bo’lmay qoladi, bunda Operatsiyaga zarur bo’lgan asboblarni spirt alangasida kuydirib olish kerak.
Kerakli jarroxlik asboblarni sirlangan idishga yoki sterilizatorning qopqog’iga terib taxlagandan so’ng uning ustiga 96⁰ spirt quyiladi va yondiriladi. Spirt yonayotganda idishni tebratib turish kerak. Yonish tamom bo’lgandan keyin asboblarni ishlatish mumkin. Lekin bu kuydirish usuli asboblarning sifatiga ziyon keltiradi. Bundan tashqari bu usul to’la sterilizasiyaga ishonch bermaydi, chunki asbobdagi yoriq va teshiklar oraliqlarida bo’lgan infeksiya tirik qolishi mumkin.
Shpris va kesuvchi o’tkir jarroxlik asboblarga kuydirish usulini qo’llash qat’iyan man etiladi.