O’zbekiston respublikasi veterinariya va chorvachilikni rivojlantirish qo’mitasi samarqand veterinariya meditsinasi instituti veteriariya jarrohligi kafedrasi operativ xirurgiya va anesteziologiya fanidan

Kichik mollarni bog’lash usullari.
Qo’y, echki va cho’chqa bolasini fiksatsiya qilish. Qo’yning hamma oyog’ini bir-biriga qo’shib katta arqon bilan bog’lanadi. Agar hayvonlar yosh bo’lsa, fiksator skameykada o’tirib, tizzasi bilan qisib, yelkasini pastga, boshini o’zi tomonga qaratib ushlab turadi. Hayvonning o’ng oyoqlarini o’ng qo’li, chap oyoqlarini esa chap qo’li bilan ushlash kerak. Hayvonlarni bunday usulda fiksatsiya qilish axtalashda (kastrasiya) yaxshi qulaylik tug’diradi.
It va mushuklarni bog’lash. Itlarni Operatsiya stolida yelkasi bilan yotqizib, tirsaklarini yumshoq arqon bilan bog’lab qo’yadi. Orqa oyoqlarini esa biroz tortib, keyin ular stolda o’rnatilgan ilmoq yoki uning oyoqlariga ipni o’rab bog’laydi. Itning jag’i fiksatsiya yoki bint bilan bog’lanadi.
Mushuklarni maxsus brezentdan yasalgan, osti teshik qopga solib, tananing Operatsiya mo’ljallangan qismi ochiq qoldiriladi.


Hayvonlarni fiksatsiya qiluvchi va Operatsiya stollari
Fiksatsiya stanoklari
Yirik hayvonlarni fiksatsiya qilish uchun Kitayev stanogini qo’llash kerak, chunki bu juda qulay va oddiy yasalgandir. Uni vodoprovod trubkasidan elektropayvand yordami bilan bir-biriga ulab yasash mumkin.
Operatsiya stollari
I. Jemaytes va A. Yurivich sistemalari bo’yicha Operatsiya stoliga yirik mollarni yonbosh qilib yotqizib bog’lash juda qulay. Bu stolga katta mollarni orqa qirrasi bilan yotqizib Operatsiya qilish mumkin.
Sapojnikov va Kurganovlarning Operatsiya stollari ancha oddiyroq yasalgandir.
Kichik hayvonlarni Operatsiya qilish uchun tibbiyot yoki alohida veterinariya Operatsiya stollarini ishlatsa bo’ladi. Masalan, Vinogradov stoli kichik hayvonlarga moslashtirilgan. Urg’ochi cho’chqalarni jinsiy bezlarni olib tashlash uchun Nikiforov stolini ishlatish mumkin. Bu stolni cho’chqachilik ferma va xo’jaliklarida yasash uncha qiyin emas. Buni yasash uchun faqatgina bitta qalin taxta yetarlidir (qalinligi 4-5 sm, eni 50 sm, uzunligi 1,5 metr). Taxta 40-50⁰ S li burchak ostida devorga o’rnatiladi. Devorga qoqilgan taxtaning yuqori qismiga baquvvat mix o’rnatilib unga orqa oyoqlari bog’lanadi. Erkak hayvonlarni (dabba-grыja) Operatsiya qilish uchun uzunchoq tog’orasimon yog’och stol yasash kerak.


Mashg’ulot № 2