O'zbekiston respublikasi oliy va o'rta mahsus ta'lim vazirligi cm. Mustafayev, O'. A. Ahmedov, M. S. Mustafayeva, M. T. Yulchiyeva

Амалий машғулот учун
Зарур материаллар:

1. 
   Бир неча кун сувда сақланиб, кейин спиртда сақланган нўхат ёки ловиянинг уруғи.
   
2. 
   Риактивлардан йодда эритилган калий йод эритмаси.
   
3. 
   Устара (поки).
   

Топшириқ

1. 
   Ловия уруғининг кўндаланг кесимидан препарат тайёрланг.
   
2. 
   Микроскопда кесмани кузатинг ва алейрон доначаларини топиб, суратини чизинг ва тавсифини ёзинг.
   
3. 
   Ловиянинг уруғидан кесма тайёрлаб, унга йодли калий эритмасини таъсир эттиринг, микроскопда кузатиб, ҳужайра пўсти, крахмал доначаларини аниқланг, расмини чизиб тавсифини аниқланг.
   

Ишнинг бориши
Оддий алейрон доначаларини ловия уруғида кузатиш учун ивитилган ва спиртда сақланган ловиянинг уруғи пўстидан ажратиб оламиз. Паллалардан бирини чап қулга олиб, бир неча бор тилимлаймиз, кесилган палладан жуда юпқа кесма тайёрлаймиз. Улардан 2-3 та юпқаларини ажратиб олиб, предмет столидаги йоднинг калийли эритмасига жойлаштирамиз. Устига ёпқич ойнани қўйиб микроскопда кузатамиз. Кузатиш катта қилиб кўрсатадиган окулярда олиб борилади. Кесмада юмалоқ ҳужайралар кўринади. Уларнинг ҳар бири ўз оболочкаси (пўсти, қобиқ) ва оболочка оралиғига кўриниб туради. Ҳар бир ҳужайра жамғарма (запас) моддалар билан тўлиб туради. Уларда йоддан ҳаворанг тусга кирган крахмал доначалари, қолганлари олтин рангидаги оддий алейрон доначалари кўринади. Шулар туфайли дуккакли ўсимликларнинг уруғ оқсил моддаларига бой. Микроскопда кузатилган крахмал ва алейрон доначаларининг сурати дафтарга чизилади ва тавсифи ёзилади.
Назорат саволлари

1. 
   Алейрон доначалари қандай ҳосил бўлади?
   
2. 
   Оддий алейрон доначалар мураккаб алейрон доначаларидан қандай фарқ қилади?
   
3. 
   Ҳужайранинг қайси қисмида алейрон доначалари тўпланади?
   
4. 
   Ҳужайра сув билан тўлганда алейрон доначаларида қандай ўзгариш содир бўлади?