O’zbekiston respublikasi milliy gvardiyasi harbiy-texnik instituti

TURONNING BUYUK SARKARDA VA HUKMDORI
60
 
Insoniyat tarixi tubsiz ummonga o’xshaydi, uni oxirigacha o’qib-o’rganish oson 
emas. Lekin, har bir xalq o’zining ajdodlari kimligini, kimlarning vorisi ekanligini 
bilishi bugungi kunda nihoyatda zarurdir. Zero, milliy o’zlikni anglash tarixdan 
boshlanadi. Milliy o’zlikni bilmasdan turib, ilgari yurish oson emas. Milliy 
o’zligimizni bilish, uni teran anglab etishda Amir Temur va Temuriylar davrida 
amalga oshirilgan ishlarning mohiyatini bilish muhimdir. Yoshlarning qalbida 
vatanparvarlik tuyg’usini kuchaytirishda ulug’ bobomiz – Amir Temurning 
sarkardalik mahoratini harbiy maktablarda atroflicha o’qitish va o’rgatish zarur. 
Falsafiy qonunlarga ko’ra, shakl o’zgaruvchan, mohiyat esa o’zgarmasdir. Shundan 
kelib chiqib aytish mumkinki, Amir Temurning armiya qurilishi, davlatchilik asoslari 
nazariyalari bugungi kun va sharoitda nihoyatda asqotadi. Chunki, aynan Amir 
Temur davrida buyuk Turon davlati butun jahonga dong’i ketdi va u bilan o’sha 
davrdagi dunyoning barcha kuchlari hisoblashishga majbur bo’ldi. Eng muhimi, Amir 
Temur va Temuriylar davrida ilm-fan, madaniyat rivojlanib bu zaminda o’ziga xos 
Renessans vujudga keldi. Bu buyuk taraqqiyotga quyidagi omillar sabab bo’lgan edi.
Birinchidan
,
siyosiy-huquqiy omil. Amir Temur boshchiligida bosqinchi 
mo’g’ullarga qarshi ozodlik kurashi olib borildi va yurt bosqinchilardan tozalandi, 
mamlakatdagi bosh-boshdoqlikka barham berilib, milliy birlikka erishildi. Kuchli 
markazlashgan davlat barpo qilindi, qat’iy qonunchilikka asoslangan boshqaruv 
institutlari adolatli tartib-intizom asosida ishlay boshladi.
Ikkinchidan,
ijtimoiy-iqtisodiy omil. Amir Temur va Temuriylar nafaqat 
Movarounnahr hududida, balki, butun imperiyaning barcha mamlakatlarida ko’plab 
sug’orish tarmoqlari ariq, kanallar qazilib, qarovsiz, tashlandiq erlar ekin 
maydonlariga aylantirildi. Butun boshli shaharu robotlar, karvonsaroylar, 
shifoxonalarning qurilishlari davlat tomonidan moliyalanib, qo’llab-quvvatlandi. 
Ayniqsa, dehqonchilik va chorvachilik rivojlandi, qo’riq erlarni o’zlashtiriganlarga 
davlat tomonidan mablag’lar ajratildi va soliqlardan ozod qilindi. Turli 
mamlakatlardan usta hunarmandlarning Movarounnahrga kelishi natijasida 
60