Oqiw -metodikali q

2. Terekzarlardin’ mikroklimatqa ta’siri
Insan salamatlig’i ushin en’ ortasha bolg’an hawa-rayi ortalig’i – temperatura +20 +22^oS ha’m hawanin’ salistimali ig’allig’i 40-60% bolg’an halda, hawa taza ha’m azon menen bayig’an boliwidur. Qalalardag’i hawa avtotransport ha’m sanaat shig’indilarinin’ atmosferaga tarqaliwi,qaibetinde pataslanadi.
Qalalardag’i sanaat ha’m transporttin’ kislorodti jemiriwi hawanin’ normaliq quramin o’zgertiwi temperaturanin’ artiwina alip keledi.
Jasil terekzarlar hawani suwitiwdin’ jalg’iz ja’rdemshisi bolip xizmet etedi. Fotosintez processinde bir gektar jerdegi jasil eginzarlar 200 adamnin’ dem aliwina jeterli bolg’an kislorodti islep shig’ariw quwatlig’ina iye.Sonin’ menen bir waqitta, bir saat dawaminda 8 kg deyin karbon kislotasi jemiriledi. Basqasha aytqanda, qalalarda bir topar xaliq sanina 50 m² jasil eginzarlar hawanin’ aqilg’a muwapiq quramin ta’miynlep beredi.Jaz ma’wsiminde mikroklimattin’ tu’rleniwi kerekli ahmiyetke iye.Bul jag’day quyash radiaciyasinin’ joqari da’rejege jetiwi menen baylanisli. Bizge belgili,jazdin’ jazirama ku’nleri saat 12⁰⁰ lerde hawa temperaturasi +35 +40^oS da’rejege jetkende topiraqtin’ ashiq quriq betindegi (qum,asfalt,beton),sonday-aq,u’yler to’beleri ha’m qubla ta’repinde radiacion temperatura +70 +80^oS da’rejege jetiwi mu’mkin. Quyash insolyaciyasi waqtinda isip ketken imarat ha’m qurilislar quyash batiwinan keyin de issiliq tarqatiwin dawam ettiredi,na’tiyjede hawa temperaturasinin’ joqarilig’i dem aliwdi qiyinlastiradi.
Qalalarda jasil eginzarlardin’ radiacion temperaturani to’menletiwde ahmiyeti ju’da’ u’lken. Misali,ayriqsha turg’an terek sayasindag’i radiacion temperatura ashiq maydandag’ig’a salistirg’anda 35^oS, jasil massivlerde bolsa – 40^oS ga pariqlanadi. Jasil eginzarlar sayasinda hawa temperaturasi ashiq jerdegige qarag’anda radiacion temperaturag’a salistirg’anda az o’zgeredi, yag’niy 2-3,5^oS, biraq iri massivlerde bul pariq 16^oS g’a deyin jetiw mu’mkin (Kuzmishyov, Peshenicin, 1979).
Ag’ashlar japiraqlari o’zine ta’n issiliq qa’siyetlerine iye.Tu’rli ag’ashlardin’ japiraqlari o’zinen ha’r qiyli da’rejede issiliq nurin ha’m quyash spektrin jutip, qaytarip ha’m o’zinen o’tkeriw mu’mkin.
Misali, jaz emenzar quyash radiaciyasinin’ – 96,8%, qarag’ayzar – 96%, arsha, terek ha’m emenler aralas tog’ay bolsa – 97-98% nurlardi uslap qaladi. Tereklerdin’ termo qorg’aniw funkciyasi sonin’ menen belgilenedi.
Asfalt ha’m imaratlar diywallarin tosip turatug’in,biyik bag’anali,qalin’ gorizontal birigip o’sken, to’mengi bo’leginen samal ju’retug’in jasil eginler (terekler) issidan jaqsi qorg’aydi. Quyash nurlari ta’sirinde o’simlikler japiraqlari isip ketedi. Sayadag’i japiraqlar temperaturasi a’tirap ortaliq temperaturasinan to’men boladi,sebebi olarda (japiraq plastinklarinda, japiraqlarda) parlaniw da’rejesi joqari. Misal ushin, ga’rri ag’ashtin’ japiraqlari qa’ddi bir ku’nde 300 litrg’a deyin suwdi parlandiriw mu’mkin. Jedel parlaniw processi na’tiyjesinde ag’ash betinde ha’m a’tirapinda suwitiw effekti ju’zege keledi. Ken’ japiraqli ag’ash tu’rleri (emen, lipa, katalpa) nin’ suwdi puwlandiriw qa’siyetleri joqari,ash ren’li, bezetilgen japiraqli ag’ashlar bolsa (gledichiya, jiyde ha’m b.) suwdi azlaw parlandiradi.
Ag’ash ha’m putalar hawanin’ iga’lliq da’rejesin asirip, insan salamatlig’ina unamli ta’sir ko’rsetedi. Hawa ig’allig’inin’ 15% ke artiwi, temperaturanin’ 3,5⁰ S g’a deyin to’menlewin ta’miynleydi. Tereklerdin’ puwlandiriw qa’ddinin’ ko’lemi,olar iyelegen maydan betinen 20 ese artiq boladi. 1 gektar maydandag’i tog’aydan o’siw da’wiri dawaminda 3 mln kg g’a deyin ig’alliq parlanadi. Jildin’ qurg’aq ma’wsiminde jasil eginzarlar arasinda hawanin’ ig’allig’i ashiq maydandag’ig’a salistirg’anda 4-7% joqari boladi;ig’alshiliq ma’wsiminde bolsa – ig’alliq da’rejesi to’menleydi, sebebi hawa qurg’aqlang’anda japiraqlarda parlatiw ku’sheyedi, ha’m kerisinshe, ig’al hawada japiraqlar suwdi o’zine tartip aladi.
Terekzarlar olar arasinan o’tetug’in samal tezligin 3 ma’rte to’menletedi. Samal ku’shli esetug’in aymaqlarda bunin’ qorg’aniw a’hmiyeti u’lken.
Jasil massivler astindag’i ha’m a’tiraptag’i ashiq maydanlarda hawa temperaturasinin’ o’zgeriw qa’siyetlerin dem aliw maydanshalarin rejelestiriwde esapqa aliw za’ru’r. Tereklerdi iqshamli massivlerde qalin’ sho’pler menen qaplang’an maydanliq penen uyg’inliqta jaylastirilg’anda en’ jaqsi mikroklimat sharayatlari ju’zege keledi.
Tu’rlerdi tan’lawda tereklerdin’ sayalatiw qa’siyetin inabatqa aliw usinis etiledi. Misali, lipa ha’m kashtan tereklerinin’ sayasi shumtol ha’m aq akaciyag’a salistirg’anda qoyiwlaw boladi. O’zbekstannin’ qurg’aq ha’m jazirama iqlimli sharayatinda sayalatiw rejimiu’lken a’hmiyetke iye.