Oliy va oʻrta maxsus ta’lim

Xodimlarga istalgan erda dam olishi uchun 2000 dollardan qoʻshimcha maosh toʻlaydigan kompaniya

Shunday atama mavjud — «mehnat qurboni». Bu oʻzining ishda yoʻqligi oqibatidan qoʻrqib, munosib ta’til olishdan qoʻrqadigan inson.
SteelHouse marketing kompaniyasi direktori Mark Duglas (Mark Douglas) mana shunday muammoga duch keldi: u oʻz xodimlariga oʻzlariga qulay vaqt ta’tilga chiqishlarini ma’lum qilganida, ular shunchaki bunga qanday munosabat bildirishni bilmay qolishdi.
Shunda Markning xayoliga zoʻr gʻoya keldi: nima uchun xodimlarga istalgan erda dam olib, ta’til oʻtkazishi uchun haq toʻlamaslik kerak? Hozir gap ta’til puli emas, qoʻshimcha 2000 dollar haqida bormoqda. Ishchilar bu pullarni faqat dam olish uchun sarflashi kerak boʻladi.

Qisqa qilib aytganda, siz yilda bir marta kompaniya hisobidan istalgan erga sayohat qilishingiz mumkin.

Albatta, xodimlar orasida qoʻshimcha pulni dam olishga sarflamay oʻziga olib qolganlar ham topildi. Biroq Mark puldan foydalanish masalasida qaysar. «Men aslida sizlar qaergadir joʻnab, u erda maroqli dam olishingiz istayman», — deya talab qiladi u.
Natijalar ham oʻz samarasini berdi. Soʻnggi uch yil ichida 20 nafar xodimdan faqatgina beshtasi ishdan boʻshadi. Albatta, ulardan uchtasi ishga bogʻliq boʻlmagan holda ma’lum bir sababga koʻra boʻshadi. Shuningdek, «bonusli» ta’tildan soʻng odamlar yangi kuchga toʻlgan holda ishga qaytib, yanada samaraliroq ishlashmoqda.

Mark Duglas boshqa tashkilotlar ham mana shunday tajribani qoʻllashiga ishonmoqda.

«Sizda ta’til uchun uch hafta vaqtingiz bor» deyish boshqa masala, —deydi Mark. — Biroq «Sizning etarlicha pulingiz bor, biroq uni dam olishga sarflamasangiz, ular shunchaki "yonib" ketadi» deyish oʻzgacha ta’sir qiladi. Bu ularni koʻndirishning ancha ilgʻor usuli va bu orqali biz ularning dam olishi qanchalik muhimligini tushuntiramiz» .

4. 
   Baholash mezonlarini qoʻllash boʻyicha uslubiy koʻrsatmalar