Oliy va oʻrta maxsus ta’lim

Rivojlantiradigan kitoblarni oʻqing


Ekpert istalganicha boʻlishi mumkin (doktor Xausni esga olamiz), biroq rahbar tenglar ichida eng yaxshisi boʻlish bilan bir qatorda, ochiq, ya’ni qoʻl ostidagilarni eshitib, ularni tushunishi va oʻz vaqtida “yoʻq deyishi”, koʻp vazifalilik rejimida ishlashni bilishi va turli vaziyatlarda “chiqish yoʻli”ni topa olishi lozim.
Shuning uchun oʻqishga, koʻproq oʻsish uchun esa koʻproq oʻqishga toʻgʻri keladi: psixologiya, ragʻbat, boshqaruv, ta’sir koʻrsatish, notiqlik, vaqtni rejalashtirish. Yiliga 1-20 ta kitob oʻqish yomon koʻrsatkich emas va buning imkoni bor.
Shuningdek oʻzining boshqaruv koʻnikmalarini rivojlantirishga oid boʻlgan treninglarda ishtirok etish ham yaxshi natija beradi, bunda amaliy dasturiga ega boʻlganlari ayniqsa ahamiyatlidir. Bir yilda kamida 2-3 treningda qatnashish lozim, kimdir shunday taklif bilan chiqishini kutib oʻtirmang.

4. Xatolaringizni tan oling

Eng kerakli bilim va tajribani biz afsuski shaxsiy xatolarimiz tufayli olamiz. Ishlayotgan vaqtimizda har bir muvaffaqiyatsizlik yorqin karera yakunidek boʻlib koʻrinadi. Aslida esa bu bebaho saboqlar bizni keyingi qaror va qoʻyilgan maqsadlarimizga diqqat bilan munosabatda boʻlishga undaydi.
Koʻpgina odamlar odatiy hayotda quyidagilar bilan shugʻullansalar yomon boʻlmas edi: manmanlik va oʻzingizning muhimligingizni moʻ’tadillashtiring, xatolaringizni tan oling, ularni tushuning, tahlil qiling va keyinchalik takrorlamang.
Qarorlar va javobgarlik qabul qilishdan oʻzini soqit qilish maqsadida xodimlar koʻp hollarda hech qanday harakatni amalga oshirmaydilar yoki ishni toʻliq hajmda bajarishmaydi. Biroq bir yaxshi psixologik usul mavjud: “Men xato qilishga haqliman, hatto buyuklar ham xato qilganlar, ular oldida men kim boʻlibman”. Xato qilishdan choʻchimang, oʻz kamchiliklaringizni takrorlashdan qoʻrqing. Doimo harakatda boʻling!
Ishdagi xatolaringizni hech qachon yashirmang, buning uchun jazolanishingizni bilsangiz ham. Berkitilgan narsa doim oshkor boʻladi. Agar siz berkitayotgan xato salbiy oqibatlarga olib kelsa, bundan yomonroq boʻladi. Sizning xodim sifatidagi obroʻyingizga batamom putur etadi. Yaxshisi xatoingiz haqida rahbariyatni boxabar qiling va agar iloji boʻlsa, uning toʻgʻirlash yoʻllarini taklif eting.