Oliy va oʻrta maxsus ta’lim

Sayohat qiling

Sharoitni oʻzgartirish va yangi yoqimli taassurotlarga ega boʻlish har bir insonga kerak, qiyin kunlarni boshdan kechirayotganlar uchun esa ular hayotiy muhim ahamiyat kasb etadi.

Sayohat yoʻnalishini moliyaviy ahvolingizdan kelib chiqib tanlang: xorijdagi dam olish zonalarida orom olish yaxshi, albatta, ammo vatanimizda ham maroqli hordiq chiqarish mumkin.

Oʻz xobbingizga ega boʻling!

Sevimli ish bilan shugʻullanish va oʻxshash fikrlovchi kishilar bilan hamsuhbat boʻlish har qanday kasallikni davolaydi hamda kayfiyatni koʻtaradi.

Muloqot qiling!

Doʻstlaringiz, qarindoshlaringiz va oʻzingiz xush koʻrgan insonlar bilan muloqot qiling. Faqat ular bilan suhbatlashganda tushkunlikka olib keluvchi mavzulardan qoching.

Oʻyin-kulgu qiling va hayotdan zavq olib yashang! Har bir insonning hayotdan zavq olib yashashi uning oʻziga bogʻliq. Shunday ekan, ortiqcha qaygʻuga berilmay, hayotingizdagi har bir voqeadan foydali xulosa chiqaring.

Oʻzingizga yoqqan narsalarni xarid qiling!

Anchadan beri sotib olishni istayotgan buyumlaringizni sotib olsangiz, kayfiyatingiz koʻtarilishi shubhasiz.

Sport bilan shugʻullaning! Zero, sogʻlom tanda - sogʻ aql, depressiya va boshqa ruhiy xastaliklarga esa bu erda oʻrin yoʻq.
Diqqatingizni jamlang! Ish, oila - farqi yoʻq, oʻzingiz uchun muhim boʻlgan narsaga e’tiboringizni qarating. Bu sizni chalgʻitib, zulmatdan olib chiqishga yordam beradi.

Miyangizni kemirayotgan "xasta oʻy"ni topib, undan xalos boʻlishga harakat qiling. Bu axir sogʻligʻingizni ketkazishingizga arzimaydi-ku!

Ijobiy fikrlashni hamda hayotdagi katta va kichik xursandchiliklarni koʻrishni oʻrganing! Qisqa qilib aytganda, optimist boʻling!

Oʻzingiz ustingizda ishlang, shaxs sifatida rivojlaning!

Omadli kishilar omadsizlarga qaraganda melanxoliyaga kamroq duchor boʻlishadi.