Олабўжи романдан катта хикоя

уялгани-эзилганиям шу: “Э, нима бўлса бўлар! – деб юборди ичида. – 
Ахир, мен ёш боламанми? 
– Тўқлибой Қўчқоров? – энди ҳаяжон ила сўради қария. – Райком 
бобоми? 
– Ҳа, райком бобонгиз, – деди Ултон. Ва чолни ортиқ гумонларга 
бордирмаслик учун Тўқлибой Қўчқоров номини юмшатиб ва ўзига 
яқинлатиб деди: – М-менинг домлам... Ҳим, биласиз-ку, мени 
ўқитганлар. 
– Ҳа-ҳа, албатта! – деди Султон чол қандайдир шишиниб ва 
қоматини тиклаб. – Сени сўраб турардилар. Сессияларда... “Ултон ижод 
қилиши керак, унга шароит яратиб беринг”, дер эдилар. “Бу дунёда 
фақат ижод қолади...” 
– Ота, – деди Ултон. – Бугун сизни кутади. Тушундингизми? 
– Хўп-хўп. Борамиз. Ундай улуғ одамлар чақиришади-ю, биз учиб 
бормаймизми? 
– Ў-ф! 
– Улим, у киши арбоб. Арбобларни пайғамбарлар ҳам сийлаган. 
– Ҳақиқий арбобларни-да? 
– Тўқлибой Қўчқоров, менимча ҳақиқий арбоб! Ў-ў, у киши эски 

---

190 
илмдан ҳам хабардор... Сен гурунгларига қулоқ сол: икки гапнинг 
бирида ҳикмат айтадилар. 
– Рост, – деди Ултон. – Шундай қилиб, ҳозир биз билан 
жўнайсизми? 
Бобо капага кўз ташлаб олди. 
– Жўнаймиз! Лекин олдин... 
– Ота, олдин... – Ёнларида Наби борлиги учун бир он гапдан 
тийилди- да, кейин кулгига буриб: – Сиз бўларини айтинг, – деди. – Ҳим, 
ҳалиги тайёргарлик қалай? – Ана шунда илк марта бир табиий ўй келди 
миясига: ахир ўзи... 
...ўз кучи билан уйланиши керак-ку? 
Ҳа-ҳа! 
Эй, нега шуни ўйламади? 
Умуман, бу тўғрида ҳеч қачон... 
– Тайёргарлик? Тўйгами? – Султон бобо бир энтикиб кетиб сўради. 
– Тўйга-да! – шовқин солгудек бўлди Наби. – К-келинингиз тайёр!