Олабўжи романдан катта хикоя

– Барча орзу-умидларингиз ушалсин, – деди Ултон кўтаринки руҳ 
билан. – Сизни ғийбат қиладиганлар ҳам бор албатта: бири “бойвучча” 
деди. Бошқаси... 
– ...”бойликка учиб теккан, – тўнғиллади Дунё. – Да, ну их!.. 
Ултон бирдан ҳовучини очди. 
– Бўлмасам... – Дунёга тикилиб қолди-да, гангиб эшикларга кўз 
солди. 
– Баҳор йўқ, – деди Дунё кескин. – Кеча синфдошингиз Турсунтош 
опа опкетган эди... Сизни суриштириб кепқолди: “Нима гап? Ростми?” 
деб... 
– Ҳа-а. 
– Баҳор шу ерда эди. Кейин укасиям кеп қолди. Уям бир нимани 
сезган шекилли... Хуллас, учовлон кетишди.
– Баҳор, демак, уйларига... 

---

516 
– Уйларига бормаса керак... Униям аҳволи ёмон, Ултон ака... 
“Уксус ичаман, кислота ичаман”, дейди. Ўл, дедим. Йиғлади. Мен ҳам... 
Аёлнинг кучи шунга етар экан-да. Лекин, – у Ултонга туйқус жиддий 
тортиб уқтирди: – Лекин мен соғ юрсам, Таракановнинг уйини 
буздираман... 
– Нима-нима? – Ултон шошиб сигарет тутатди. – Унинг уйи... 
Ёдгорлик обидаси-ку, Дунёхон? 
– Обида ҳисобига ўшани тиклаган булса-чи? – Кўзларида ёвуз бир 
ифода балқди. – Ана Қизилмозор! Онангиз ётипти... Қани унинг мачити? 
Жуда куйган эдингиз... 
– У бузилган, – пичирлади Ултон. 
– Ўшанда худди менинг хўжайиним бузгандай қаровдинглар... Ана 
ўша одам айтиб берди: илгариги директор билан шўро раиси эшик, 
дераза, устун – барини мошинага юклаб обориб берган экан. 
Хушомадчилар... Хуррам акаям суриштириб билган экан... Ҳали у 
кўради! ЮНЕСКОга ёзмасак, отимни бошқа қўяман! 
Ултон энтикиб: 
– Етармикан Парижга? – деди. 
– Етмаса етмас... Лекин уни қўрқитишимиз аниқ. Ифлос... Яна: