Олабўжи романдан катта хикоя

...ҳимоя қилар ахир? 
Лекин уям қарам: шу ҳокимиятнинг қули – фақат эгарда 
ўтирипти. Нима қилсанг қил, лекин давлатнинг асоси мустаҳкам бўлсин 

---

471 
деб қўйишган. У пухта: халқниям кўнглини топишни билади. 
Лекин халқ ҳам буни билади... Ҳа, унинг асл ғояси – яхши яшаш...” 
– Ултон, бу одамга жавоб бер энди, – деди Зокир Ўринов. – 
Туҳмат ёмон нарса... 
Ултон Тўлагановга тикилди. 
– Туҳматми... айтганларим? 
– Албатта! 
– Аблаҳ... – Ултон Зокир Ўриновга юзланди. Ва тилига келган 
навбатдаги гапни ҳам қайтармади: – Менга Тўқлибой Қўчқоров айтган 
эдилар. – Ичида эса тағин: “Тамом, – деб ўйлади. – У ёқ билан ҳам алоқа 
узилди... 
Вой, Ултон... Тилингни тийсанг-чи, а? Ахир, бу “очиқ”лигининг 
билан нима топасан? Ҳаёт ўзгармайди-ку! 
Ўртада сен... 
Ҳе, қисмати шўр! 
Бу аблаҳ... 
...Шу кеча етказади! 
Мана бу одам эса – тасдиқлайди! Уҳ, иккаласиям ҳозир...” 
Ултон милтиққа хаёли кетганини фаҳмлаб ёқасини ушлади... 
Лекин гапни тўхтатган жойидан давом эттирди: 
– Бугун туғдома тагида айтдилар. Иккимиз четга чиққан эдик-
ку? 
– Буям – туҳмат! У киши қеч қачон бундай демайдилар... Ўртоқ 
Қўчқоровгаям туҳмат қиляпти! – деди Ўзоқ Тўлаганов. 
– Лекин... ким билади, – деди Зокир Ўринов. – Бироқ, Ултонбой, 
бу одамга кўпда шубҳа билан қарардим. 
– Мен ҳам сезганман, – деди Ултон. –Айтмоқчи, бу шахс нима 
учун қишлоққа кетадиган бўп қолди? 
– Мен ҳам ҳайронман: нима учун-а? – сўради Зокир Ўринов 
ундан. 

---

472