Олабўжи романдан катта хикоя

Э, худо! – деб юборди. – Ўн бир бўпти-ку? – Соатнинг бунча юриб 
қўйганига ҳайдовчи айбдордек, унга дўқ қилди: – А, Хўжам? 
– Мен шуни айтай дедим-у... – пўнғиллади Хўжам. – Уришиб 
берардингиз. 
– Уф. Ўртоқ Султонов, нима қиламиз? 
Ултон эрта саҳарлаб пичан ўримига кетажаги, кетганда ҳам ўша 
ёқда ётиб қолиши кераклигини эслади: ўқувчию ўқитувчилар “икки 
кунга” деб келишган, Тиркаш уларни иссиқ овқат ҳам чодир билан 
“таъминлаш”ни бўйнига олган эди: тўшак ўзларидан... 
– Менимчаям, кеч бўлди, – деди Ултон. – Ҳали “бормаймиз” 
деганингизда фаришталар “омин” деган экан. 
Баҳор эрига жилмайиб, елкасига аста бош қўйди. Қўйди-ю, 

---

430 
кўтарди. 
– Амбулаторияга! А? Борамиз! – Сўнг Хўжамга деди: – 
Хурсандмисан? – Кейин гапиришга оғиз жуфтлаган эридан сўради: – 
Мебелни кўрдингизми? 
– A-а, ҳа, – деди Ултон ва отасининг “бир уйини мебелга 
тўлдириш”га қурби етмаслиги эсига тушди. 
– Ана ўшандан воз кечдим! – давом этди Баҳор жаҳл билан. – 
Керак эмас менга Умиднинг садақаси, дедим. Ўзига буюрсин. Ўзиям 
уйланади. Тўғри қипманми? 
Ултон салмоқ билан бош ирғади. 
– Жуда тўғри қилгансиз. – Сўнг шошилиб деди. – Амбулаторияга 
бормасак... 
– Нега? 
– Мен саҳарлаб пичанга кетаман. 
– Яна пичан! Қирилсин бу эксплататорлар!.. Бормайсиз! Ўзим 
сизга бир тонна ёздириб бераман. 
– Раҳмат. 
– Вой-вой-е. 
– Боришим керак, – таъкидлади Ултон. 
Баҳор жимиб қолди. Кейин: 
– Ўзингиз биласиз, – деди. 
Ултон “қолгани”ниям айтишни маъқул кўрди: 
– У ёғини сўрасангиз, Баҳорой, мен... эртага келолмайман.