Олабўжи романдан катта хикоя

қолай! 
– Ай, ювиниш ҳам... – Баҳор унга разм солди-да. – Майли, – деди. 
Сўнг икки зина пастга тушди. – Хўжам?... Қорнинг очиб кетдими? Яна 
бир соат сабр қиласан... Кейин ўзим сенга тугиб бераман... – Эрига 
қаради. – Боринг бўлмасам! Тўхтанг, сочиқ бераман... 
Ултон “уёқда бор” демоқчи бўлди-ю, унинг хизматидан 
фойдаланиш завқлироқ туюлди: “Хотининг-да! Сени ўйлайди...” 
Баҳор катта, пахмоқ сочиқ олиб тушди. Ва уни Хўжамга отди. 
– Язнангни ювинтириб ке... Қара, қандай исқирт бўп кептилар! 
Мендай хотинга муносибми шундай... қаландар? 
Ултон чалғи билан айрини ҳам олиб борадигандек жилди-ю, эртага 
лозимлиги учун такхона тўсини устига жойлаштирди. 
...Катта уйдан совун олиб (тағин талай хотин-халаж ўтирган экан), 
боғ оралаб сувлоққа эндилар. 
Ултон ечиниб, тиззасигача сувга кириб ювинаркан, қояда ўтириб 
чека бошлаган Хўжамга гап ташлар, уни-буни сўраб қўяр эди. 
– Туғдими ўша хотин? – (Баҳорни тонг-саҳарда уйғотиб, 
фалончининг ожизаси икки кундан бери дард тутиб ётипти, 
қарашмасангиз, ўлади, деб “безовта” қилишган эди: Баҳор телефонда 
бош касалхона навбатчисига зарда қилиб мошина чақирган, бироқ 
ундан “фойдаланишни” эрига юклаб, мотоциклига ўтириб кетган эди.) 
– Ҳе, опани кўргандан кейин туғмаганиям туғиб юборади, – деди 
Хўжам. – Сизни қўйиб, айланиб борсам, милтиқ отиш бўп ётган экан. 
Ултон унга қаради. 
– Нимага? 

---

415 
– Ким билади, қора босганми
25
... 
– Опанг шунақа йўлларниям биладими? 
– Опа прописир бўп кетган. Лекин бундай йўлларни Ҳожар хола 
яхши билади... 
Ултон ювиниб чиқди. Артинаркан: