Олабўжи романдан катта хикоя

 
Жоним тасаддуқ жононаларға... 
Уввос-чуввос бўлиб кетди. Тағин чапак, хитоблар: 
– Барака то-оп!.. 
– Салом бердим ўзларига, – дея Баҳор эрининг ёнига ўрнашди ва 

---

423 
ҳеч тортинмай: – Ўтиринглар, дугоналар! – деди қаватидагиларга. – 
Дастурхон мунтазир! Биз қўқон манзиратни билмаймиз. 
– Биз ҳам, биз ҳам... 
– Қани, тўрам, ухаживает қилардиларми ё ўзим пиёланинг тагидан 
ушлаб тутайми? 
– Ҳозир, – деб шивирлади Ултон. 
Шунда қизиқ тиниб, Кенжа бобонинг овози эшитилди: 
– Фарзандларим, хуш келибсизлар! Марҳамат!.. Бугун ҳаммамиз 
учун хурсандчилик куни! Ана, биз ҳаваскор чоллар ҳам тепада 
ўтирибмиз!.. Фақат бир илтимосимиз шулки... куёв сарпосини кийиб 
ўтирса! 
– Ҳў-ў-ў! – яна шовқин бўлиб кетди. 
Ултон қўлларини қовуштириб ўрнидан тураркан, Баҳор: 
– Буёққа! – деб орқага ишора қилди. – Ўтинг, ўтинг. 
Ултон ўтирғичдан ошиб бурилиши билан тим қора костюмнинг 
елкаларидан тутиб турган... Набини кўрди. 
– Э-э. 
Қатор ортидан йўртиб келаётган Умид эса язнасининг тирсагидан 
тутди. 
– Нарироққа борайлик... Бу чопон эмас-ку, язнажон! Ахир, 
ўзбекмиз, одатимиз шу: кийиш керак. Костюм бўлса, нима бўпти! 
– Секин, секин. 
Бироқ Умид ҳаммага эшитарли қилиб гапирган эди. 
Шунда Ултон Баҳорнинг ҳам далдасини эшитди: 
– Боринг-боринг. 
У ўзини қайнисига қўйиб берди. Наби эса қайрилиб, томига қуруқ 
беда уйиб қўйилган оғил биқинига йўл олди. Хайрият, у ёқ қоронғироқ 
экан! 
– Юринг, язнажон! Бу ўзи арзимайдиган нарса... Лекин ният 
қилган эдик. Ултон шундай ҳаяжонланиб кетдики, нарёғи йўқ: “Бунча 

---

424