Олабўжи романдан катта хикоя

дудланган балиқ бор, йигитлар кулишар эди. 
Улардан ҳам қуйироқда эса, ер бағирлаб ўсган арча буталарига 
бир талай карабин милтиқлари таяб қўйилган, тағин уч-тўртта сафар 
халтаси ва битта қуён бор эди. 
Буталардан ўнгроқда бузуқ тандир қошида иккита йигит арча 
шохларини қалаб қўйиб, тагига пуфлашмоқда. 
– Ой, хлопцы! – деди бояги йигит. – Смотрите, к нам гости 
пожаловали! Улар бурилиб қарашди. 
– Здрасте, – деди Ултон. – Извините, мы здешние! Вы гости! 
– Не уже ле? – деди йигит. 
...Ултон уйини тунаб, сурбетлик билан молини ҳам сўйиб ошаётган 
ўғриларни кўриб қолгандек титраб, айни чоғда анави чўчқага раҳми 
келиб ҳамда унинг бояги чўрпага ё ота, ё она эканини тахминлаб: 
– Что это такое? Разве сейчас стреляют животных? – дея 
Баҳорнинг қўлини қўйвормай эна бошлади. – Вы же нас должны 
охранят? 
Офицер оёғини йиғди, турмоқчи бўлганди – мункиб кетди. Қўлини 

---

367 
ерга тираб бир он тин олди-да (боши айланиб кетган бўлса керак, бирдан 
қоматини ростлади). 
– Иди сюда, – деди қўли билан имлаб. 
 – Борманг, – шивирлади Баҳор. – Маст... – Кейин капитанга бехос 
тикилиб қолди: уни бир ерда кўргандек эди. Ултон Баҳорнинг билагини 
бўшатиб, бемалол тушиб борди: у шу тобда ҳеч нарсадан қайтмас эди. 
Шунда капитан ҳам Баҳорга туйқус тикилиб қолди, малла 
киприклари пирпиради. 
– Чего ты смотришь? – деди Баҳор. – Говори, что хочеш! 
– Ба-аришня... – деб гўё нола қилди бояги аскар йигит. – Мы со-
лдаты мира. 
– Убирайся ты... 
Ултон хотинига қаради, томоғига бир нарса тиқилди: “Эркак бу 
экан-ку?” 
– Эй, красавица... – Йигит Баҳорга қўл узатган эди, Баҳор унинг