Олабўжи романдан катта хикоя

– Е, е, – деганча газаклар яйратиб қўйилган чинни лаганни у 
томонга сурди. – Бир минут ўтир. 
– Ўтиринг, Қобилбой! – деди Ултон ҳам. 

---

338 
Давра аҳли буларга диққат билан қараб туришар, Турсунтош эса 
кўзини уқалар эди. 
– Ол, – деди Дунё. – Биз ҳам ичамиз. – Кейин Қобилдан кўз узмай, 
унинг ўтиришини ҳамда пиёлани олишини кутди. – Сен учун, ука! 
– Ҳаммамиз омон бўлайлик, – деди Қобил. – Лекин мен ичсам, хафа 
бўламан. 
– Афғондаям ичармидинг? 
– Ўша ёқда ўргандим-да. 
– Ароқ серобми? 
– Йўқ... Соляркага алмашардик. Мен десантчи эдим. 
– А-а-а, вертолётдан... 
– Ҳа. 
– Сен ҳам... ўлдирдингми? 
– Бўлмасам-чи. 
– Босмачиларни? 
– Ҳафизулло Аминниям. 
– Сен? Сизлар-а? 
 
– Бизга афғон формасини кийдиришди. Қораларга... Кейин 
қасрдан чиқаётганида, командир: “Стрелять!” деди, отдик. 
– Э, худойим... 
– Мен турайин, янга. 
– Кабобпазлик қиласан дейман? 
– Баъзан. 
– Эртага тушдан кейин кутубхонага бор. Хўпми? 
Фаррош елкасини қисди: бу буйруқ эди – бўйсунди. 
Меҳмонлар теран бир ҳолатда эдилар. Қобил жойига бориб 
ўтиргач, енгил нафас олишди. 
– Ука, би-ир суҳбатлашишимиз керак экан-да, – деб қолди 
Тешавой. 
– Ёзасизми? – сўради Қобил. Ва ўзи жавоб берди: – Ёзмайсиз. 

---

339 
– Нега энди? 
– Афғонда хизмат қилганлар ҳақида бир оғиз ҳам рост гап 
ёзилгани йўқ. 
– А, биз билмасак. 
Ўзи билан кимсан – вилоят бош газетасининг бўлим бошлиғи