Олабўжи романдан катта хикоя

кўз 
олдингга 
келтиринглар... Ҳиндистондек бепоён мамлакат ҳам Англиянинг 
мустамлакаси эди! О, яна ўнлаб мамлакатлар! Бари озод бўлди-ку? 
Биз эса... 
Мунди ароқни отиб олди-да, Хуррамга зуғум қилди: 
– Ҳой, Сенга нима бўлди ўзи? Соғ юргинг келмаяптими? 
Бу гап дарҳақиқат (Ултоннигина эмас!) барчани сергак торттириб 
юборди. 

---

336 
– Яна қамоқни соғинган! Маълум бўлди, – деди Зокир Ўринов. 
– Менимча бу – провокация, – деди Ўзоқ Тўлаганов. 
Хуррам қаҳ-қаҳ отиб кулиб юборди. 
– Ўзоқ ака, сиз авлиёсиз! 
– Да, анча қалтис гаплар бўлди, – деди Тешавой Болтабоев. – Бу 
гапларнинг ҳаммасида албатта жон бор... Лекин биз – сиёсатчи эмасмиз, 
ўртоқлар... Қолаверса, мавжуд ҳаётимизда долзарб муаммолар шу қадар 
кўпки, улардан бирини ҳал этиш ҳам халқимиз учун... 
– Ўртоқ мухбир! – Дунё пинакка кетгандек қотиб ўтирган Баҳорни 
туртиб, Тешавойга боқди. – Сиз айтган ўша муаммоларнинг илдизи ўша 
“иш”ларда эмасми? 
Ултон бош ирғаб тинглар экан, ўз-ўзидан... кулиб юборди. Кейин 
бемаврид кулганини фаҳмлаб қолиб, вазиятдан чиқишни ўйларкан, во 
ажаб, унга... бугунги даҳшат ёрдамга келди. 
Еру осмон титради: момақалдироқ гумбирлаб, бутун борлиққа 
даҳшат солди. Сўнг йироқларга... 
...думалаб кетди. 
Ҳамма писиб – бош эгиб қолган эди. 
Мунди Хуррамга бурилиб, икки бармоғи орасидан бошмалдоғини 
чиқарди. 
– Мана сенга озодлик. 
Жон ҳолатда чуғирлаб юборган қушлар саси тиниб, сойнинг 
шовқини яна эшитила бошлаганда, айримлар соатларига қарашар экан, 
нари томондаги столдан туриб... 
...чайқалиб келаётган бир ўрис буларга икки-уч қадам қолганда