Олабўжи романдан катта хикоя

– Фақат апалитичний гаплар бўлмасин, – Зокир Ўринов ўтирган 
жойидан гап отди... 
– Ҳозирча ундай гаплар бўлмади, – деди Тешавой Болтабоев. – 
Афғон масаласида, менимча, лутф қилдилар ҳали... Чиройли ўхшатиш 
бўлди... 
– Мен ҳам тарихчиман! – Зокир Ўринов кичкина муштини столга 

---

332 
гурс этказиб қўйди. – Унинг нималарга ишора қилишини сезиб тураман! 
– Чунки сиз совет тарихчиси-да, – табассум қилди Хуррам. – 
Кечирасизлар, мен сафарда юрган пайтларимдаёқ шу сўзни ёқтирмай 
қолган эдим. Маъноси йўқ экан... Лагер начальниги билан бир куни шу 
тўғрида тортишиб қолганимизда, у мени – “девона” деди. Кейин ким 
мени йўқлаб борса: “Девонага келдингизми?” дейишаркан. 
– Тамо-о-ом! – деди Мунди. 
– Ҳозир. – Мундининг пиёласига ароқдан қуйди Хуррам. – Бироқ, 
кейин хурсанд бўлдим: бу лақаб мени кўп жойларда асраб қолди... 
– Ҳа. “Девона” – сенинг учун бир ниқоб! – деди Зокир Ўринов. – 
Ўртоқлар, мен жуда ҳайрон бўламан! – энди узр мақомида давом этди у 
киши. – Ҳукумат раҳбарларини танқид ҳам қилиш мумкин. Ҳатто 
сўкиш, устидан шикоят ёзиш ҳам... керак! Аммо нега энди системани 
айблаш керак? Ахир, социализмнинг нимаси ёмон? “Инсон инсонга тенг 
бўлсин!” деган гап – эзгуликнинг ўзи-ку! – Зокир Ўринов иттифоқо (дарс 
ўтаётгандек) ўрнидан туриб кетди. – Ота-боболаримизнинг минг-минг 
йиллик орзуси-ку – бу ғоя. 
...Ултон ҳам бир замонлар худди шу фикрда эди. 
Кейинчалик мавжуд тузум шаклан бу ғояни шиор этгани, моҳияти 
билан эса шунчаки мустабид тузум – хонлик, амирлик ё бекликдан 
жилла фарқ қилмаслигига ақли етган, пироварди... 
“Тузумларнинг фарқи йўқ!” деган хулосага келган эди.