Олабўжи романдан катта хикоя

кийим-бошига қаратишни энг маъқул билди-да: “Хўш, тугмани 
ўтказдик, – деди. – Энди туфлини...” 
Ултон сочини ҳам сийпаб ётқизиб, ҳали ўйламоқчи бўлгани қизга 
дарров ошкор бўлиб қоладиган каби хижолатда, тезроқ яна бир нарсага 
чалғишни истаб, парда орқасидан чиқди. 
– Ассалом, рус халқи... 

---

141 
– Салом-салом, – деди Баҳор. – Ўтирсинлар, тўрам! – У китоб 
жавони ёнида, жавоннинг бир табақаси очиқ, ичкарига қараб сочини 
тарар эди. 
“У ерда ойна бор экан”, дея столга ўтган Ултон шампаннинг 
биқинида боягидек “Самтрест” турганини кўриб, Баҳорга ялт этиб 
ңаради. 
– Жиндек отиб олинг, совқотибсиз, – деди Баҳор. – Ўзимники. 
Қўрқманг.. – Намхуш сочларини энди пастдан юқорига тарарди. – 
Тиланчи эмасман, худога шукур... Мана бу барохлони Бўтабой Сўпи 
опкеб қўйган бўлса, бир кун ташлаб кетаман! – аламини Ултондан 
олмоқчидек зарда қилди: – Ҳалиям мени бошига кўтариши керак. Бу 
бойқушхонасида ким туради? Ким ишлайди бу ерда? Битта ўзимман... 
– Ҳим, да, – деди Ултон. Ва жойига ўтирди. Ўтирди-ю, худди шу 
конъякдан ичгиси келди. – Кечирасиз, сиз... “Самтрест”ни яхши 
кўрасизми? 
– Бе-е! – деди у. – Опкелишган-да... – Кейин бемалол кулиб қўйди. – 
Порага келган, порага! – Сўнг хўрсиниб, қандайдир хотиржам бўлиб, 
ўрнига қайтди. – Бола туғдириш ҳам бизнинг бўйнимизда... 
– А-а-а... чойдан ичасизми? 
– Чойга бало борми! 
– Жуда тўғри айтасиз. 
Ултон шишани очиб, идишчаларга қуяркан, қизга қандайдир 
миннатдорчилик билдиришни истаётган эса-да: “Жуда хотиржам-а? 
Худди ўрганиб...” деди-ю, вужуди тиришиб кетди: гўё буни “ўргатган”