Назoрат савoллари

Машиналарнинг динамик турлари.
Машиналар ишлашнинг динамикасидан келиб чикиб, барча замонавий машиналарни шартли равишда уч турга бўлиш мумкин:
- узлуксиз ишловчи машиналар;

Илова 7.1. 7.1-расм

- даврий равишда ишловчи машиналар;

- нодарвий равишда ишловчи машиналар.
Улар бир-биридан куйидаги аломатлари билан фарқланади:
а) ишлаш давомийлиги;
б) ижрочи ва ёрдамчи механизмларнинг конструктив хусусиятлари;
в) динамик параметрларни машинанинг ишлаш цикли ичида ўзгариш мазкур цикл, одатда, машина асосий валининг бир марта тўлиқ айланишга ёки ижрочи органининг битта фойдали ёки салт ҳаракатига мос келади;
г) двигателнинг тури.
Узлуксиз ишловчи машиналар узоқ ишлаши билан ажралиб туради. Бундай машиналарнинг конструктив хусусияти шундаки, уларнинг таркибига кирувчи ижрочи ҳамда ёрдамчи механизмлар фақат ротор типидаги бўғинлар (тишли ғилдилаклар, шкивлар, маховиклар ва ҳ.к.) га эга бўлади. Уларнинг динамик параметрлари битта цикл доирасида ўзгармайди. Уларга айлама ҳаракатли двигател ўрнатилади. Бундай машиналарга электр вентиляторлар, турбогенераторлар, пармалаш станоклари ва бошқа двигателлар киради. Мазкур машиналарнинг ишлаш динамикаси механизм ва машиналар назариясида ўрганилмайди.
Даврий равишда ишловчи машиналар ҳам узоқ вақт ишлайди. Бундай машиналарнинг ижрочи ва ёрдамчи механизмлари стерженли ва кулачокли механизмлар асосида ишлайди. Мазкур машиналарнинг динамик параметрлари стерженли ва кулачокли механизмлар мавжудлиги туфайли биттта цикл доирасида ўзгарувчандир. Двигателлари айланма ҳаракатли двигателлардир. Бу машиналарга механик прессларни, тиш очувчи станокларни, поршенли компрессорларни киритиш мумкин.
Нодаврий равишда ишловчи машиналар қисқа вақт ишлайди. Уларнинг ишлаш вақти иш органи ҳаракатининг бир циклига мос келади, ижрочи механизмлар сифатида асосан илгариланма ҳаракатли двигателлар (пневмоцилиндрлар ёки гидроцилиндрлар) дан фойдаланилади. Динамик параметрлар машинанинг бутун ишлаш вақти давомида ўзгарувчидир. Бундай машиналарга мисол тариқасида гидравлик прессларни, пневматик ва гидравлик юритмали саноат роботларини, нуқта қилиб пайвандлаш машиналарини айтиб ўтиш мумкин. Мазкур турга машиналарнинг ўз двигателига эга бўлган ёрдамчи механизмлари (самолёт шассиси, пахта териш машинасининг бункерини тўнкариш механизми ва бошқалар) ни ҳам киритиш мумкин.
Машиналарнинг юқорида қайд этилган турлари техника адабиётида бошқача номланиши ҳам мумкин. Биринчи турдаги машиналар монотон ҳаракатдаги машиналар, иккинчи ва учинчи турлари эса барқарорлашган ва барқарорлашмаган ҳаракатли машиналар деб аталади.