Навоий давлат кончилик институти корхона жиҳозлари

1.48–расм. Очиқ олов билан қиздириладиган радиацион қуритгич: а-очик оловда; б-ёнувчи газ махсулотлари билан. 1 – нур тарқатувчи панел; 2-газ горелкалари; 3 – материал ҳаракатланадиган транспортор; 4-чиқариш трубаси; 5 – вентилятор.
Терморадиацион қуритгичлар ихчам ва самарали бўлсада, уларда энергия сарфи нисбатан катта.
6.30.1. Диэлектрик қуритгичлар. Лампали юқори частотали генератор ва қуритиш камерасидан ташкил топган бу қуритгичлар қалин қатламли материалларни қуритишда қуритишнинг бошқа турларига қараганда яхши самара беради. Ўзгарувчан ток тармоқдан тўғрилагич орқали генераторга келади ва у ерда юқори частотали ўзгарувчан токка айланади. Бу ток конденсаторларнинг пластинкаларига узатилади. Пластинкалар орасидан қуритиладиган материал юкланган тасма айланади. Юқори частотали электр майдони таъсирида конденсатор пластинкалари заряди белгиси ўзгариши туфайли материалнинг ион ва электронлари ўзининг ҳаракат йўналишини ўзгартиради. Дипол молекулалар айланма ҳаракат олади, ноқутбий (неполяр) молекулалар эса қутбланади. Бу жараёнлар ишқаланиш билан боради ва иссиқлик ажралиб чиқишига, ҳамда материалнинг қуришига олиб келади.





1.49 – расм. Диэлектрик қуритгич:
1 – юқори частотали лампали қуритгич; 2 – қуритиш камераси; 3-4 конденсаторларнинг пластинкалари; 5 – 6 тасмалар; 7 – тўғирлагич.

6.30.3. Сублимацион қуритгичлар. Бу қуритгичларда материал музлатилади ва унинг таркибидаги нам суюқлик ҳолатини чеклаб буғ ҳолатига ўтади. Сублимацион (ёки молекуляр ҳам дейилади) қуритиш чуқур вакуумда амалга оширилади.

Сублиматор қуритгичнинг (схемаси 1.50. расмда кўрсатилган) деб аталувчи қуритиш камерасида ичи бўш плиталар жойлаштирилган ва улардан иссиқ сув ҳаракатланади. Плиталар устига материал солинган идишлар қўйилади. Бу идишларнинг остида бўртиқлари бўлиб уларнинг таги плиталарга тегмайди. Шунинг учун материалга иссиқлик асосан радиация туфайли узатилади. Ҳосил бўлган буғ-ҳаво аралашмаси сублиматордан конденсатор-музлатгичга келади.