Навоий давлат кончилик институти корхона жиҳозлари

1.44 –расм. Пневматик қуритгич:
1-бункер; 2-киритгич; 3 –қуритгич труба; 4-вентилятор; 5-калорифер; 6-йиғиш идиши; 7 –циклон; 8-чиқариб олиш қурилмаси; 9 – фильтр.

Трубанинг тепа қисмидан чиқаётган ҳаво йиғиш идиши орқали циклонга боради. У ерда қуриган материал ҳаводан ажратилади. Циклондан чиққан ҳаво енгли фильтрда тозаланиб атмосферага юборилади. Қуриган материал циклоннинг остки, конус қисмидан маҳсус қурилма ёрдамида чиқариб олинади.

6.29. Кондуктив қуритгичлар

Кондуктив (контакт) қуритгичларда қуритилаётган материалга иссиқлик қизиган сиртдан иссиқлик ўтказувчанлик йўли билан берилади. Бу ускуналарда ҳаво ёки бошқа газлар фақатгина буғланган намни қуритгичнинг ишчи ҳажмидан олиб кетиш учун ишлатилади. Кондуктив қуритиш атмосфера босимида ёки вакуумда амалга оширилиши мумкин. Кимё саноатида даврий ишлайдиган полкали ва барабанли вакуум қуритгичлар, ҳамда узлуксиз ишлайдиган барабанли - контактли ва валецли қуритгичлар қўлланилади. Бундай ускуналарнинг айримларини кўриб чиқамиз.

6.29.1. Вакуум-қуритиш шкафи. Бу ускуна цилиндр ёки тўртбурчак идиш бўлиб ичида буғ ёки иссиқ сув билан иситиладиган ичи бўш плиталар жойлаштирилган. Нам материал плиталар устидаги идишларга тўкилади. Қуритиш жараёнида камера маҳкам ёпиб қўйилади ва вакуумга уланган бўлади. Материални қуритгичга киритиш ва чиқариб олиш қўлда бажарилади.



1.45 –расм. Вакуум–қуритиш шкафи. 1–қуритиш камераси; 2–бўш плиталар.
6.29.2.Эшкакли вакуум қуритгичлар. Даврий ишлайдиган бу қуритгичларда материал секин айланадиган эшкакли қорғич ёрдамида аралаштирилади ва шунинг ҳисобига қуритишнинг тезлиги бир мунча ошади. Бундан ташқари материални киритиш ва чиқариш қўл кучини талаб қилмайди.
Эшкакли қуритгич буғ кўйлаги бўлган цилиндр корпусдан ва корғичдан иборат. Қорғичнинг айланиш йўналиши ҳар 5-8 дақиқада автоматик алмашиниб туради. Корғичнинг вали бўш бўлиши ва у орқали ҳам материал иситилиши мумкин.
Эшкаклар орасидаги трубалар материалнинг майдаланишини ва яхши аралашишини таъминлайди. Материални киритиш ва чиқариш люклар орқали амалга оширилади. Қуритгичнинг корпуси вакуумга уланган.