Навоий давлат кончилик институти корхона жиҳозлари

1.39. расм. Бандажнинг барабанга маҳкамланиши:
1 –бандаж; 2-бошмоқ; 3 –қўшимча; 4-таглик; 5-болт; 6-барабан
6.26. Мавҳум қайнаш қатламли қуритгичлар

Мавҳум қайнаш қатламли қуритгичлар жуда самарали ишлайди. Чунки уларда нам материал билан қуритувчи агентнинг контактлашиш юзаси катта ҳамда қатламнинг бутун ҳажмида материалнинг намлиги ва температураси бир хил бўлади. Бундан ташқари бу қуритгичларда бирданига бир нечта жараённи (масалан қуритиш ва куйдириш, қуритиш ва грануляция ва бошқаларни) амалга ошириш мумкин. Лекин уларда солиштирма энергия сарфи катта. Мавҳум қайнаш қатламли қуритгичлар бир ва кўп секцияли бўлиши мумкин. Тузилиши оддий ва ишлатиш осон бўлган бир секцияли қуритгичлар асосан сочилувчан материаллар таркибидаги боғланмаган намни йўқотишда ишлатилади. Кенг тарқалган, узлуксиз ишловчи бир камерали қуритиш қурилмасининг схемаси 1.41. расмда кўрсатилган.

1.40 –расм. Таянч–тиралиш станцияси: 1 –бандаж; 2-таянч роликлари; 3-плита; 4-тиралиш роликлари; 5-таянч роликларини созловчи винт.

Қуритиладиган материал бункердан киритгич ёрдамида қуритгич камерасининг газ тақсимлаш панжараси устига берилади.

Қуритувчи агент (ҳаво ёки унинг ёнишдан хосил бўлган газлар билан аралашмаси) эса панжаранинг остидан киритилади. Газ панжара тешикларидан маълум тезлик билан ўтади ва унинг устидаги материални «қайновчи» қатлам ҳолатида ушлаб туради. Қуриган материал панжарадан бироз баландда ўрнатилган штуцердан тўкилади ва транспортер ёрдамида олиб кетилади. Ишлатилган газлар чангдан тозаланиб атмосферага чиқариб юборилади. Қуритиш камерасининг пастида (панжара яқинида) газнинг тезлиги энг катта заррачаларнинг чўкиш тезлигидан катта, юкорисида эса энг кичик заррачаларнинг чўкиш тезлигидан кичик бўлса қуритиш камерасида қаттиқ заррачаларнинг циркуляцияси яхши бўлади. Бу ўз навбатида заррачаларнинг камера кесими бўйича текис тақсимланишини ва иситишнинг бир хилда амалга оширилишини таъминлайди. Корпуси конус шаклида бўлган қуритгич бу талабга жавоб беради.