Mundarij a kirish

Tadqiqot mavzusi bo‘yicha adabiyotlar sharhi. Yirik adabiyotshunoslarning Premchand ijodiga bag‘ishlangan bir qancha maqolalari mavjud. Jumladan “Sharq yulduzi” jurnalida O.Kolomeysiva, Elizarovaning maqolalari o‘zbek tiliga tarjima qilib bosilgan. 1976-yilda “Современная литература зарубежного Востока” to‘plamida chiqqan Л.В.Еремяннинг “Ганди и Премчанд” maqolasi ham ilmiy ahamiyatga molikdir. Shuningdek, G‘ofur G‘ulomning 10 jildlik “Asarlar” to‘plamining 8-jildidan akademik va shoirning “Atoqli hind yozuvchisi Premchandning hayoti va ijodi” nomli salmoqli maqolasi ham yuksak qimmatga ega.“O‘zbekiston milliy ensiklopediyasi”ning 7-jildida Ansoriddin Ibrohimovning Premchand haqidagi maqolasi berilgan¹⁰. Hozirgi kunda Premchand ijodi bo‘yicha bir qatorbakalavrlik ishlari va magistrlik dissertatsiyalari yozilgan. Yana bir muhim ilmiy manba T.Xolmirzayevning bitiruv malakaviy diplom ishlari aynan Premchandning “Gaudan” romanining rus tilidagi tarjimasini analiz qilishga bag‘ishlangan.Bundan tashqari, o‘zbek tilshunos olimlaridan B.Yo‘ldoshev¹¹, Sh.Rahmatullaev¹²; N.Mahmudov¹³,shuningdek, Q.Musayev¹⁴, E.Ochilov¹⁵singari olimlarning tadqiqot ishlarlarini aytib o‘tish mumkin. Aynan frazeologizmlarning lingvomadaniy xususiyatlari esa rus olimlari V.A.Maslova¹⁶, V.N.Teliya¹⁷, Yu.S.Stepanov¹⁸va o‘zbek olimlaridan D.Xudoyberganova¹⁹, Sh.Usmanova²⁰larning tadqiqotlarida o‘z aksini topgan. Maqol, matal va idiomalarning tarjimasiga oid yirik tadqiqot ishi O‘zbekistonda tarjimashunoslik fanining asoschisi, olim G‘.Salomov tomonidan amalga oshirilgan va u kishing bu borada qimmatli fikri bor, “matallar xalq aql-idrokining mahsuli, uning hukmi, turmushdagi turli hodisa-voqealarga munosabati demakdir²¹. Demak, tarjima sohasining deyarli barcha jabhalarida muhim tadqiqorlar olib borilgan. Ammo uch tildagi tarjimaga oid holatlarni qiyoslab o‘rganish borasida hali alohida tadqiqot ishlari bajarilgan emas.