Moddiy ishlab chiqarish asoslari

15.G‘alla ekinlari, kungaboqar, sabzavot ekiilari, sut-go‘sht chorvachiligi, cho‘chqachilik rayoni Ukraina hududida dasht zonasining qolgan qismini egallaydi. Bu rayonning umumiy xususiyatlari, yerlarning ko‘p haydalganligi, ekinlar orasida chopiq qilinadigan ekin­lar ekilganligi (don uchun makkajo‘xori, kungaboqar), kuzgi bug‘doy, arpa katta o‘rin tutishi, em-xashak bazasi intensiv tipda rivojlanganligi. Sabzavotchilik va sut etishtirish Ukrainaning industrial qismida shahar aholisi salmog‘ining katta o‘rin tutishiga bog‘liqdir.
15a. G‘alla ekinlari, kungaboqar, go‘sht-sut chorvachiligi rayoni. Dasht zonasining sharqroqda joylashgan qismlarida iqlimning quruq bo‘lishi, yozning qisqa kelishi va qishning sovuq bo‘lishi oqibatida qishloq xo‘jaligining intensiv darajasi sezilarli ravishda kamaya boradi. Bu esa ekinlar tarkibini cheklab qo‘yadi. Chopiq qilinadigan ekinlar salmog‘i kamroqdir. Haydaladigan yerlar strukturasi almashlab ekishning ko‘proq g‘alla bilan chopiq qilinadigai ekinlarni almashlab ekish tipiga to‘g‘ri keladi. Rayonning sharqiy qismida kuzgi bug‘doy bahori bug‘doydan keyinda turadi, makkajo‘xori don uchun emas, faqat silos uchun ekiladi. Ko‘p yillik daraxtlar ahamiyati kamroq, tabiiy yem-xashaklarniki-ko‘proqdir.
16. Qand lavlagi, don xo‘jaligi, kungaboqar, go‘sht-sut chorvachiligi, cho‘chqachilik rayoni. Kavkazoldi dashtlarida orografik omilning iqlimga ta’sir etishi natijasida nisbatan kichik maydonda qishloq xo‘jaligining xilma-xil tiplari tarkib topgan. Rayonning g‘arbiy qismida sutkalik o‘rtacha temperatura yigindisi 3400° dan yuqori bo‘lib, suv balansi neytral holatga yaqin. Bu yerlarda sug‘ormasdan ekiladigan qand lavlagining katta areali joylashgan. Kand lavlagi bilan g‘alla ekinlari (asosan kuzgi bug‘doy va makkajo‘xori), kungaboqar, yem-xashak ekinlari almashlab ekiladi. Mevachilik va sabzavotchilik taraqqiy etgan. Chorvachilik haydaladigan erlarda etishtiriladigan yem-xashakka ko‘p­roq asoslanganki, boshqa bironta rayonda bunday emas.