Мирсоатова Сайёра Турғуновна Ўзбекистонда тош даври маданиятлари муаммолари

Тадқиқотнинг илмий янгилиги:
- Ишда Республикамизда ҳозирги кунга қадар қўлга киритилган археологик манбалар асосида тош асрининг барча тараққиёт босқичлари жамоалари моддий маданияти ўзига хос хусусиятларни кўрсатиш, маданиятлар мустақиллигини илмий асослаш.
- Ўзбекистоннинг тош даври тарихи янги тадқиқотлар услублари ёрдамида таҳлил қилинди.
- Палеолит даврида яшаган гоминидларнинг жисмоний типлари ўрганилиб, тош даври ёдгорликларининг янги хронологик шкаласи ишлаб чиқилди.
- Ўзбекистонда тош даври археологиясини ўрганишдаги янги муаммолар ўртага ташланди ва улардан баъзилари ўз ечимини топди, юртимизда тош даври археологиясини ўрганиш истиқболлари белгилаб берилди.
Тадқиқот натижаларининг илмий ва амалий аҳамияти. Ўзбеки­стон­да тош даври тарихини умумлашган ҳолда тадқиқ қилиш, уларнинг маданий тахлилини яратиш ҳозирда, нафақат, Ўзбекистонда, балки бутун Ўрта Осиёда қилинаётган илк қадамдир. Ушбу илмий иш Ўрта Осиёдаги тош асри археологияси бўйича тўпланаётган манбашунослик базасини янада кенгайтиради. Илмий ишнинг натижаларидан Ўзбекистон ва Ўрта Осиё тарихи музейлари ва кўргазмаларида қўйилган топилмаларининг хронологик даври ва уларнинг ривожланиш босқичларига аниқликлар киритилган. Шунингдек, диссертация материаллари Олий ўқув юртларининг махсус курсларида, ҳамда тош даври археологияси ва тарихини ўргатишда методологик қўлланма бўлиб хизмат қилиши мумкин.
Тадқиқот натижаларининг апробацияси. Фарғона давлат университети иқтидорли ёшлар илмий конференциялари (1998-2002), Университет профессор-ўқитувчиларнинг йиллик-назарий ва амалий конференцияларида (2000-2008), ЎзР ФА археология институти тош даври археологияси бўлимининг ҳисобот йиғинларида (2002-2008), Самарқанд шаҳрининг 2750 йиллик юбилейи муносабати билан “Самарқанд шаҳрининг умумбашарий маданий тараққиёт тарихида тутган ўрни” мавзусида ўтказилган халқаро илмий симпозиумда (сентябрь 2007), “Фарғона водийси тарихи янги тадқиқотларда” мавзусидаги Республика илмий анжуманида (2009) маърузалар қилиниб, илмий апробациядан ўтказилган.