Microsoft Word togaymurod otamdan qolgan dalalar lotin ziyouz com doc

 
16 
Kallam... kallam yelkamdan bosib-bosib keldi. Kallam kattalik qildi. Kallam og‘irlik qildi. 
O‘tirg‘ich qirrasiga tirsakladim. Kallamga qo‘limni tiradim. Kallamni kaftimga oldim. 

---

Tog‘ay Murod. Otamdan qolgan dalalar (roman) 
www.ziyouz.com
kutubxonasi 
107
17 
Kuydi-kuydi — ayolimni tani kuydi.
Kuydi-kuydi — meni bag‘rim kuydi.
Kuydi-kuydi — bolalarimni sho‘ri kuydi. 
 
18
Kuydi-kuydi — kattalarni nimasi kuydi? 
Kattalarni... oyog‘i kuydi! 
Kattalar pitirlab qoldi. Kattalar zirillab qoldi. Qattalar vos-vos bo‘p qoldi! 
Kattalarga bir bo‘lak kun tug‘di. 
Kattalar to‘da-to‘da bo‘lib gapirishdi. Kattalar qo‘llarini bigiz etib gapirishdi. Kattalar qo‘llarini 
shop etib gapirishdi. Kattalar qo‘llarini musht etib gapirishdi: Kattalar yer tupurib-er tupurib 
gapirishdi. 
Kattalar qator bo‘lishib keldi. 
Men joyimdan qo‘zg‘oldim. 
Ideologiya qayg‘udoshlik ham mehribonlik bilan yelkamga qo‘lini qo‘ydi. 
— O‘tiring, qimirlamang, o‘tiring, — dedi. Men tag‘in joyimga cho‘kdim. 
Ikkita katta o‘ngim o‘tirdi. Ikkita katta chapim o‘tirdi. Tag‘in ikiita katta peshonamda tik turdi. 
Ideologiya qo‘l qovushtirdi. Ideologiya bosh irg‘adi. Ideologaya xo‘rsindi. 
— Falokat, falokat, — dedi. — O‘rtoq brigadir, Dehqonqulova... kasal edimi? 
— Yo‘q, sog‘lom edi, — dedim. — Ayolimiz umri mehnat bilan o‘tdi. 
— Balki... yoshligida kasal-pasal bo‘lgandir? 
— Ayolini yoshligini bu qaerdan biladi, — dedi bir katta. 
— Nimaga bilmayman, yilaman. Xolamizni qizini bilmaymanmi, bilaman. 
— Dehqonqulova uyida qattiq yiqilgan joyi bor edimi? — dedi Ideologiya. 
— Yo‘q? 
— Mabodo... boshini tasodifan devor-pevorga urib olib edimi? 
— Yo‘q? 
— Balki dalada paxta ichida uxlab qolgandir? Yaxshilab eslang? 
— Yo‘q, unday bo‘lgan yo‘q. 
— Yong‘oqni ostida ham uxlar edimi? 
— Yo‘q, uyimizda yong‘oq yo‘q. 
— Gapirganda, gap-so‘zlaridan adashar edimi? 
— Yo‘q, gaplari tuppa-tuzuk edi. 
— Avlodida esi... esi emas, nima desak ekan... avlodida esi bundayroqlari bor edimi? 
— Yo‘q, ayolimiz yetti pushtigachayin palagi toza ayol! 
Ideologiya tevarak-bosh qarab-qarab oldi. Ideologiya ovozini bir parda ko‘tardi. 
— Unda... nimaga o‘ziga o‘zi o‘t qo‘yadi? — dedi. Men barmoqlarimga yig‘lab-yig‘lab qo‘ya 
berdim. 
— Endi... ko‘rgilik-da, katta, ko‘rgilik! — dedim. Barmoqlarim orasidan dardlarim duv-duv 
to‘kildi. 
Raisimiz duv-duv dardlarimni ilib-ilib oldi: 
— Dehqonqul aka chin aytadi, Klara Xodjaevna, — dedi. — Bu ko‘pga kelgan ko‘rgilik. 
O‘zbekiston respublikamiz bo‘yicha shu oxirgi ikki yilda yetti yuz ellik uch xotin-qiz o‘ziga o‘zi o‘t 
qo‘yibdi! 
— Bu absurd! 

---

Tog‘ay Murod. Otamdan qolgan dalalar (roman)