Mavzu: ovqatlantirish korxonalari va ularning tasniflanishI

Oliy toifa nomi ham restoran va barlarga beriladi. Ushbu toifaga mansub restoranlarning binolari noyob, zal intereri chiroyli, zamonaviy jixozlar, noyob taomlar assortimenti, ko‘ngildagidek buyurtma va firma taomlari, shuningdek murakkab usullar asosida tayyorlangan ichimliklari bilan mashhurdir. alkogolli hamda alkogolsiz ichimliklari bilan mashxurdir.
Restoran va xizmat xususiyatlari xisobga olingan holda idish tovoqlar tanlanadi. Qimmatbaxo billur va chinnidan yasalgan xar bir idish-tovoqda ishlab chiqaruvchi korxona yoki restoranning tamg’asi bo‘lishi shart. Bunday idish-tovoqlardan banketlar, qabul marosimlarida ham foydalaniladi. Restoranda foydalaniladigan matodan tayyorlangan sochiqlar, dasturxonlar, salfetkalar, qul sochiqlari zal xususiyatiga qarab buyurtma asosida tayyorlanadi. Bunday buyumlarning har birida ham restoran tamg’asi bo‘lishi kerak.
Oliy toifadagi restoranlarning banket zali, bari va kakteyl xoli- bo’lib, ular ham chiroyli bezatilgan bo‘lishi, restoran kabi talablarga javob berishi kerak. Luks va oliy toifadagi restoran taomnomasi bosmaxonada chop etilishi zarur. Bu restoranlar xorijiy mehmonlarga hizmat ko‘rsatadigan bo‘lsa, taomnoma ingliz, fransuz, nemis tillarida yoziladi. Taomnomaning jildi, reklama afishalari, bukletlar, varakalar, tabrik - taklif kog’ozlar va boshqa nashr reklamalari,qalin va sifatli qog’ozlardan tayyorlanadi. Taomnomaning jildi restoran nomi va tamg’asidan tashqari restoranning mavzu yo‘nalishini ifodalovchi rasmlari ham bo’lishi mumkin.
Luks va oliy toifadagi restoranlarda orkestr chiqishiga mo‘ljallangan saxna yoki joy ham bo‘ladi. Ansambl va teatr guruxlarining konsert dasturlari yoki shoulari bilan mijozlarning yaxshi dam olishlariga sharoit yaratiladi. Luks toifadagi restoranlarda yuqori sifatli maxsus stereofonik apparatlardan foydalaniladi va har bir stolda ovozni bir me’yorda tartibga soluvchi asboblar o’rnatiladi.
Birinchi toifaga mansub restoranlarning vitrinalarini bezash lyuks va oliy toifadagi restoranlarga nisbatan oddiyroq bo‘ladi. Restoran zalida mijozlar uchun qulayliklar yaratish maksadida turli ko‘rinishdagi manzarali elementlar va zamonaviy jihozlar bilan bezatiladi. Restoranlarda jixozlarning asosiy turlari: ikki, to’rt. olti va sakkiz kishi sig’adigan stollar (to‘gri burchakli, kvadrat, aylana va boshqa shakllarda), restoran kreslolari, divanlar, ofitsiantlar uchun servantlar, guldonlar, hizmat uchun stollar mavjud bo’ladi.
Birinchi toifadagi restoranlarda metalldan yasalgan idish tovoq- va anjomlardan foydalaniladi, oshxona idishlari zanglamaydigan po’latdan xamda chinnidan yasaladi. Dasturxonlar, salfetkalar, qo’l sochiqlar oq va rangli matolardan bo‘lishi mumkin.
Firma taomi deb - maxsus retsept bo’yicha bir korxonada ishlab chiqariladigan taomga aytiladi.
Hozirgi kunda bazi restoranlar faoliyatida oilaviy ovqatlantirish tajribasi amalga oshirilmoqda. Xizmatning bu turida maxsus taomnoma tuzilib, yosh bolalar inobatga olinadi. Taomnomalagi taomlar esa uncha qimmat bo‘lmasligi kerak.