Mavzu: ovqatlantirish korxonalari va ularning tasniflanishI

Shahar restoranlari - shaxar ichida joylashgan bo’lib, belgilangan ma’lum soatlardagina ishlaydi. Ular taom, gazak va ichimliklarning keng assortimentini taklif qilib, asosan tushlik va kechki taomlar tayyorlaydi.
Vokzal restoranlari – temiryo’l, aerovokzallarda joylashgan bo‘lib, yo‘lovchilarga kechayu-kunduz xizmat qiladi. Bunday restoranlar taomnomasida taomlar, gazak va ichimliklar cheklangan bo‘ladi.
Kema restoranlari - turistlar va yo’lovchilarga xizmat qilishga mo‘ljallangan bo‘lib, nonushta, tushlik va kechki taomlar tayyorlanadi. Yo‘lovchilarga xizmat ko’rsatish ofisiantlar tomonidan amalga oshiriladi. Kema restoranlarida asosan kandolat maxsulotlari, turli xildagi ichimliklar xamda yo’l uchun kerakli anjomlari sotiladi.
Yirik yo‘lovchi teploxodlari - bir yoki bir necha salon restoranlarga, bufet, bar va jixozlangan oshxonalarga ega bo‘ladi. Salon-restoranlarda joylar soni 48 o’rindan 150 o‘ringacha bo’lib, polga maxkamlangan stol - stul va servantlar bilan jixozlanadi.
Vagon-restoranlar - uzoq masofalarga qatnovchi temiryo’l poezdlarida tashkil etiladi. Odatda bunday restoranlar bir kecha - kunduzdan ortiq safarga boruvchi yo‘lovchilar uchun xizmat qiladi.
Kupe-bufetlar bir kecha-kunduzdan kam yo‘l yuradigan, poezdlarda tashkil etiladi. Kupe-bufetlar uchun poezdda 2-3 ta kupe savdo qilish va yordamchi xona sifatida ajratiladi. Kupe bufet salondan to’siq - vitrina bilan ajratilib, sovutgich shkaf va vagon osti qutilarga ega bo‘ladi. Asosan go‘sht maxsulotlari. pishirilgan tuxum, sut - qatik maxsulotlari, non va qandolat maxsulotlari, issiq va alkogolsiz ichimliklar taklif qiladi. Yo‘lovchilarga bufetchi xizmat ko‘rsatib, taom tashuvchi ofitsiant boshqa vagonlardagi yulovchilarga taomlar yetkazib beradi.
Avtoturistlar uchun restoran - katta yo’l chorraxalarida, yirik avtobekatlarda joylashadi, turistlar bunday restoranlarda ovqatlanadi va dam oladilar.
Bar - kichkina restoran, ilgari mayxona nomi bilan atalgan. Keng assortimentda xar xil ichimliklar sotiladi. Shu bilan birga barda taomlar. gazaklar, qandolat maxsulotlari xam taklif etilishi mumkin. Barlarning vazifasi - mijozlarga yaxshi xizmat ko‘rsatish, zamonaviy dizayn, sog’lom muxitda ko‘ngildagidek dam olish sharoitlarini yaratish, shuningdek, musiqa va san’atkorlar chiqishi, videoeshittirishlar tashkil qilishdir.
Barlar odatda ma’muriy madaniy va savdo markazlarida, restoran va kafe, mexmonxonalar qoshida faoliyat olib boradi.
Assortimentiga qarab barlar quyidagi turlarga bo‘linadi: pivo, vino, sut-qatik, kokteyl-xoll va kokteyl-barlar. Kokteyl xoll kokteyl - bardan zalining kattaligi, jixozlanishining turli-tumanligi bilan farqlanadi.
Binolarning tuzilishiga ko‘ra barlar quyidagicha joylashadi:
• vestibyullarda - bu yerda kishilar, uchrashadilar - suxbatlashadilar:
• restoran barlari- bino ichida va zalda joylashadi:
• yordamchi barlar - mehmonxona qavatlarida joylashadi;
• banket barlari - banket zallarida joylashadi:
. mini- barlar mehmonxonaning mehmonlar uchun mo‘ljallangan xonalarida joylashadi.
Hamma barlarda stereofonik ovoz chikaradigan jixozlar, televizor, o’yin avtomatlari xam bo‘lishi kerak. Bundan tashqari 50 nafardan ko‘p kishiga mo‘ljallangan raqsga tushish maydoni xam bulishi mumkin.