Mavzu: ovqatlantirish korxonalari va ularning tasniflanishI

Alkogol ichimliksiz barlar - ommaviy dam olish joylarida tashkil etilib, har xil kasb egalari, yoshlar uchrashadigan joydir. U erda asosan alkogolsiz ichimliklarni ichishadi. Did bilan bezatilgan, musiqa xizmatining a’lo darajada yo‘lga quyilganligi tufayli bunday barlar tezda ko‘zga tashlanadi va dam oluvchilar uchun qulay joy bo’lib xizmat qiladi.
Salat - barlar - maxsus peshtaxta bilan jixozlangan joy bo’lib, asosan turli xildagi sabzavot va go’shtli salatlarni taklif qiladi. Bunday barlarning o‘ziga xos jixati shundaki, unda xar bir mijoz xuddi «shved stoli» usulidek taomlarni uzi idishlarga solib oladi.
Xo’l meva barlari- ovqatlantirish korxonalarining yangi bir turi bo’lib, ijtimoiy vazifalarni xal qilishga qaratilgan, alkogol ichimliklar iste’molini kamaytirishni nazarda tutgan maqsadda tashkil etilgan. Bu xildagi barlar o’ziga xos usulda binolarda joylashgan bo‘lib, oddiy ko’rinishda jixozlanadi. Nomidan xam ma’lumki, bunday barlar asosan xar xil turdagi sharbatlar ichimliklarni, bundan tashqari maxsulotlarini xam taklif qiladi.
Sut maxsulotlari barlari - o‘z maxsulotlar assortimenti bilan boshqa turdagi barlardan farq qiladi. Sut va sariyog’ kokteyllaridan tashqari barning kundalik taomnomasida bir necha xil sutli taomlar, sut maxsulotlaridan tayyorlangan somsa va qandolat maxsulotlari xamda ichimliklar bo’ladi.
Disko-barlar -kunduz kunlari kafe sifatida ish olib boradi, kechqurun esa bar xizmatini o‘taydi. Disko - barlar aloxida binolarda yoki mexmonxonalarning yarim yerto’lalarida faoliyat ko’rsatib, bunday barlarda orkestrlar, ko’shiqchilar va aktyorlar ishtirokida yoshlarning dam olish kechalari o’tkaziladi. Disko barning zallari zamon talablariga javob beradigan darajada badiiy bezatilishi, raqs maydoni, umumiy ko’rinishga mos yorug’lik berilishi shart.
Tavsiya etiladigan taomlari asosan iste’molbop va tez xazm bo’ladigan taomlardir. Bundan tashqari aralash ichimliklar, gazaklar va xattoki issiq taomlar xam taklif qilinadi.
Ekspress – barlar (tez xizmat ko‘rsatish) - savdo markazlarida, mexmonxona vokzallarda faoliyat ko‘rsatadi. Tik turib ovqatlanadigan bunday barlarda taomlar assortimenti cheklangan bo‘lib, mahsulotlar assortimenti bar vazifasiga mos tushadi. Masalan, buterbrod, qiymalangan go‘shtli taomlar, xar xil qandolat va sut maxsulotlari, chanqoq-bosdi ichimliklarni taklif kiladi.