Mavzu: ovqatlantirish korxonalari va ularning tasniflanishI

2- Mavzu: OVQATLANTIRISh KORXONALARI VA ULARNING TASNIFLANIShI
Reja:
1. Ovqatlantirish korxonalarining tavsifi va turlari.
2. Ovqatlantirish korxonalarining toifalari.
3. Ovqatlantirish korxonalarini joylashtirish tamoyillari.
Tayanch so’z va iboralar: ovqatlantirish korxonalari tavsifi. turlari, toifalari, shahar restoranlari, vokzal restoranlari, kema restoranlari, bar turlari, salat barlari, vino barlari, sut mahsulotlari barlari, disko barlari, pivo barlari, kafe, kafeteriylar, oshxona, tamaddixona, bufet, choyxona, qaxvakona, joylashtirish tamoyillari.

1. Ovqatlantirish korxonalarining tavsifi va turlari
Ovqatlantirish korxonalari - pazandachilik maxsulotlarini tayyorlaydigan va ularni mijozlarga yetkazib berishni tashkil etadigan maskandir. Ishlab chiqarish faoliyati turiga qarab ovqatlantirish korxonalari quyidagilarga bo‘linadi: restoran, kafe, bar, bufet, tamaddixona, oshxona va boshqalar. Korxona ishlab chiqarishni to’la amalga oshirgan xolda xomashyoni qayta ishlaydi, yarim tayyor va tayyor maxsulotlar ishlab chiqaradi, so‘ngra o’zlari zallarda, bufet va taom magazinlarida ularni sotadi. Turlari. joylashgan joyi, moddiy - texnik jixozlanganligi darajasi va hajmiga qarab ovqatlantirish korxonalari turlarga bo‘linadi. Savdo belgisi bo‘yicha ovqatlantirish korxonalari taom maxsulotlarini dastlabki tayyorlov va tayyorlashgacha bo‘lgan davrlarga bo‘linadi.
Dastlabki tayyorlov korxonasi - mexanizatsiyalashgan korxona bo‘lib, yarim tayyor mahsulotlarni, shuningdek, taom va qandolat maxsulotlarini markazlashtirgan xolda ishlab chiqarishga mo’ljallangan. Taom maxsulotlari va yarim tayyor maxsulotlarni ishlab chiqaruvchi fabrikalar - ovqat fabrikalari, fabrika oshxonalar, ovqatlarni tez muzlatadigan fabrikalar, yarim tayyor maxsulot tayyorlaydigan maxsus korxonalardir. Yarim tayyor maxsulotlar tayyorlash va ularni majmuali ta’minlashgacha bo‘lgan davrda ovqat maxsulotlari va yarim tayyor maxsulotlar fabrikasi xizmat qiladi. Ularda yuqori ishlab chiqarish asbob-uskunalar bilan jixozlangan, mexanizatsiyalashgan va avtomatlashtirilgan liniyalar, avtomatlar xarakat qiladi.
Fabrikalar maxsus xonalarga xomashyo va tayyor maxsulotlarni tegishli xaroratda saqlaydigan sovutgich va muzlatgichlari bo‘lgan omborxona xo’jaligiga ega korxonadir.