Марказий банк Аппарати (Бош нозир)

84 Инкассо топшириқномалари кимлар томонидан банкка тақдим қилиниши мумкин?
а) солиқ органлари – солиқлар ва давлат бюджетига бошқа мажбурий тўловлар, шунингдек Ўзбекистон Республикаси бюджетдан ташқари Пенсия жамғармаси, Ўзбекистон Республикаси Молия вазирлиги ҳузуридаги Республика йўл жамғармасига мажбурий тўловларга оид тўловлар ва боқимондаларни ҳамда юридик шахслар томонидан истеъмол қилинган электр энергияси учун муддати ўтказиб юборилган қарзларни ундириб олишда;»
б) божхона органлари – ўз муддатида тўланмаган божхона тўловлари ва жарималарни ундиришда;
в) суд ижрочилари ва ундирувчилар – ижро ҳужжатлари бўйича пул маблағларини ундиришда;
г) Ўзбекистон Республикаси Молия вазирлиги – республика бюджетидан молиялаштириш жараёнида белгилангандан ортиқча ўтказилган маблағларни қайтариш учун бюджет ташкилотларининг бюджет ҳисобварақларига, Ўзбекистон Республикаси Монополиядан чиқариш ва рақобатни ривожлантириш давлат қўмитаси томонидан тақдим этилган ҳужжатлар бўйича ноқонуний олинган маблағлар ва жарималарни ундириб олишда хўжалик юритувчи субъектларнинг банк ҳисобварақларига, шунингдек юқори молия органлари - қуйи молия органларининг бюджет ҳисобварақларига. Шунингдек, Ўзбекистон Республикаси кафолати остида берилган хорижий кредитларни қайтариш ва фоизлар тўлаш билан боғлиқ мажбуриятлари бўйича қарздорлар ва субқарздорларнинг миллий ва чет эл валюталаридаги банк ҳисобварақларига. »


ИЧКИ АУДИТ ДЕПАРТАМЕНТИ БЎЙИЧА


610-САВОЛ: Ички аудит тушунчаси.
ЖАВОБ: Ички аудит – Банк ходимларининг ўз вазифаларини самарали бажаришларида ёрдам бериш мақсадида банк фаолиятини текшириш ва баҳолаш учун банк ичида доимий асосда тузилган мустақил таркибий бўлинма. Ички аудитнинг асосий мақсади бўлиб банк раҳбариятига банк фаолиятининг хаққоний холати, назорати ва натижалари бўйича объектив таҳлил, баҳо, тавсиялар ва маълумотлар тақдим этиш орқали банк Кенгаши ва Бошқарувига банк фаолияти мақсадига эришишида кўмаклашиш ҳисобланади. (АВ №992, 20.04.2004й)