Марказий банк Аппарати (Бош нозир)

71 Бухгалтерия хисобининг асосий қоидалари?
Бухгалтерия хисобининг асосий коидалари куйидагилардир:
- бухгалтерия хисобини икки ёклама ёзув усулида юритиш;
- узлуксизлик;
- хўжалик операциялари, активлар ва пассивларнинг пулда баҳоланиши;
- аниқлик;
- ҳисоблаш;
- олдиндан кўра билиш (эхтиёткорлик);
- мазмуннинг шаклдан устунлиги;
- кўрсаткичларнинг қиёсланувчанлиги;
- молиявий ҳисоботнинг бетарафлиги;
- ҳисобот даври даромадлари ва харажатларининг мувофиқлиги;
- активлар ва мажбуриятларнинг ҳақиқий бахоланиши.
72 Аудиторлик таваккалчилиги таркибини айтиб ўтинг.
Аудиторлик таваккалчилиги ажратиб бўлмайдиган таваккалчилик, назорат таваккалчилиги, молиявий ҳисоботдаги хатолар ва бузилишларни топмаслик таваккалчилигидан иборат.
73 Марказий банкнинг бош мақсади ва асосий вазифалари нималардан иборат?
Марказий банкнинг бош мақсади миллий валютанинг барқарорлигини таъминлаш ҳисобланади.
Марказий банкнинг асосий вазифалари қуйидагилардан иборат:
монетар сиёсатни ҳамда валютани тартибга солиш соҳасидаги сиёсатни шакллантириш, қабул қилиш ва амалга ошириш;
Ўзбекистон Республикасида ҳисоб-китобларнинг самарали тизимини ташкил этиш ва таъминлаш;
банклар, кредит уюшмалари ва гаровхоналар фаолиятини лицензиялаш ҳамда тартибга солиш, банклар, кредит уюшмалари, гаровхоналарни назорат қилиш, қимматбаҳо қоғозлар бланклари ишлаб чиқаришни лицензиялаш;
Ўзбекистон Республикасининг расмий олтин-валюта резервларини, шу жумладан келишув бўйича ҳукумат резервларини сақлаш ва тасарруф этиш;
Давлат бюджетининг касса ижросини Молия вазирлиги билан биргаликда ташкил этиш.
74 Марказий банк учун қандай фаолият турлари билан шуғулланиш тақиқланади?
- Марказий банк: Молиявий ёрдам кўрсатиш билан шуғулланишга; тижорат фаолияти билан шуғулланишга; Марказий банк фаолият юритишини таъминловчи корхоналар ва ташкилотларни тузишда иштирок этишини истисно этганда, банклар ва бошқа юридик шахслар капиталида (Ўзбекистон Республикаси Халқ банки ва "Микрокредитбанк" акциядорлик тижорат банкидан ташқари) қатнашишга ҳақли эмас. (Марказий банк тўғрисидаги Қонун, 4-модда)