Личинка хордалилар (Urochordata) ¸ки šобиšлилар (Tunicata) кенжа типи

Nutriyalar (Myocastoridae) oilasi vakillari yarim suv hayvonlari hisoblanadi. Ular Janubiy Amerikada tarqalgan. MDHda nutriyalar, asosan Kavkazortida va Rossiyaning ko`plab viloyatlarida iqlimlashtirilgan. Tipik vakiliga nutriya (Myocastor coypus) kiradi.
Dengiz cho`chqalari (Caviidae) oilasi vakillari Janubiy va Markaziy Amerikada tarqalgan, yirik kemiruvchilardan hisoblanadi. Gavdasi itdek keladigan suv cho`chqalaridan kapibara (Hystrochoerus capibara) va dengiz cho`chqasi (Cavia porcellus) bu oilaning tipik vakillari hisoblanadi. Kapibara tanasining uzunligi 1,5 m va vazni 50-60 kg keladi. Ular suvda yaxshi suzadi va sho`ng’iydi. Suv o`tlari bilan oziqlanadi. Dengiz cho`chqasi laboratoriya hayvoni hisoblanadi.
Tovushqonsimonlar (Lagomorpha) turkumi. Bu turkum vakillarining yuqorigi jag’ida bir juft katta kurak tishlarining orqasida yana bir juft kichik qo`shimcha kurak tishlari bo`lishi bilan kemiruvchilar turkumi vakillaridan tubdan farq qiladi. Tovushqonsimonlarda ham kemiruvchilardagidek qoziq tishlari bo`lmaydi. Kemiruvchilardan yana keskin farq qiladigan belgisi tovushqonsimonlarning oshqozoni 2 bo`lmali bo`lishi, ya`ni fundal va pilorik bo`limi bor. Fundal bo`limida faqat ovqat suyuladi va bijg’ish jarayoni ketadi. Oshqozonning pilorik bo`limida esa ovqat hazm bo`la boshlaydi. Yana suyak tanglayi chap va o`ng oziq tishlari orasidagi tor ko`ndalang ko`prik shaklida bo`lishi bilan ham kemiruvchilardan farq qiladi. Tovushqonsimonlar o`simlikxo`r hayvonlar bo`lib, o`simliklarning kletchatkaga boy bo`lgan qismi bilan oziqlanadi.
Tovushqonsimonlar turkumi vakillari faqat tashqi ko`rinishidan kemiruvchilar turkumi vakillariga o`xshasada, filogenetik nuqtai nazardan ular primitiv tuzilgan qadimgi tuyoqlilarga yaqin turadi. Tovushqonsimonlar turkumi vakillarining oldingi oyoqlarida 5 tadan va orqa oyoqlarida 4 tadan barmoqlari bor. Tovushqonsimonlar turkumiga 65 ta tur kiradi va ular 2 ta oilaga bo`linadi (38-jadval).
1. Dumsiz sichqonlar yoki pichan yig’uvchilar (Ochotonidae) oilasi.
2. Tovushqonlar (Leporidae) oilasi.