Личинка хордалилар (Urochordata) ¸ки šобиšлилар (Tunicata) кенжа типи

Qumsichqonlar (Gerbellidae) oilasi vakillari ancha katta va popuk dumli bo`ladi. Ular, asosan cho`lda yashaydi. Tipik vakiliga katta qumsichqon (Rhombomys opimus) kiradi. Bu tur O`rta Osiyo va Qozog’iston cho`llarida tarqalgan. Tanasining uzunligi 17-20 sm keladi. Usti malla-sarg’ish, qorin tomoni oqish rangda bo`ladi. To`da bo`lib yashaydi. Qishki uyquga kirmaydi, kunduzi faol bo`ladi.
Sichqonlar (Muridae) oilasi vakillari yer yuzida keng tarqalgan. Tana uzunligi 5 sm dan 49 sm gacha boradi. 480 tacha turi bor. MDHda 12-13 ta turi, shu jumladan, O`zbekistonda 5 ta turi uchraydi. Aksariyati yer ostida yashaydi. Ozig’i, asosan o`simliklar, ayrim turlari hasharotlar bilan ham oziqlanadi. Tez voyaga yetishi va nihoyatda serpushtligi bilan xarakterlanadi. Bu oilaning eng muhim vakillariga uy sichqoni (Mus musculus), o`rmon sichqoni (Apodemus sylvaticus), dala sichqoni (A.agrarius), kulrang kalamush (Rannus norvegicus), Turkiston kalamushi (A.turkestanicus) kiradi. Ular, asosan zararkunandalar hisoblanadi. Sichqonlar iliq iqlimli sharoitda yil bo`yi ko`payadi. 1 tadan 22 tagacha bola tug’adi. 1-3 yil umr ko`radi. Asosan tunda faol. Qishki uyquga ketmaydi. Oddiy uy sichqonining homiladorlik muddati 20 kun, 1 yilda 5 marta bolalaydi va har bolalaganda 4-7 ta bola tug’adi.
Olaxurjunlar (Cricetidae) oilasi vakillari dumining kaltaligi va oziq tishlarining tuzilishi bilan boshqa sichqonlardan farq qiladi. Ular ham keng tarqalgan. Tana uzunligi 5 sm dan 35 sm gacha boradi. 625 ta turi bor. MDHda 70 ta turi uchraydi. Olaxurjunlar oilasiga ondatra (Ondatra zibethica) ham kiradi. Ondatra mo`ynasi uchun MDHda iqlimlashtirilgan, ular, asosan Shimoliy Amerikada yashaydi. Ontdatralar bir yilda 2–4 marta ko`payadi va har gal 4-12 ta bola tug’adi. Bolalari bir yilga yetmay voyaga yetadi. Eng muhim mo`ynali hayvon hisoblanadi.
Shinshillar (Chinchillidae) oilasi vakillari Janubiy Amerikaning tog’li hududlarida tarqalgan. Mo`ynasi qadrlanadi. Shinshillar tutqunlikda yaxshi yashaydi.