Jahon tarixi 11 1-§. "Sovuq urush"ning boshlanishi

Jerald Ford (1913-yilda tug’Ugan) - AQSHning Respublikachilar partiyasidan 38-prezidenti (1974-1977). 1973-1974-yillar- AQSh vitse-prezidenti.
1976 -yilgi Saylovlarda demo­kratik partlya vakili, bu payt­gacha siyosiy doiralarda noma’lum bo’lgan, Jorjiya shtatining sobiq gubematori, fermer J.Karter g’alaba qozondi. Jeyms Karter (1924-yilda tug’ilgan) - demokratik par­tiyadan AQSHning 39-prezidenti (1977-1981). "Butun dunyoda" inson huquqlarini himoya qilishni o’z siyosatining asosiy shior"i qilib olgan.
Yangi hukumat harbiy xarajatlarni keskin oshirdi. 1980-yilda ular rekord darajaga, ya’ni 130 mlrd. dollarga o’sdi. Siyosiy doiralarda "yangi konservatizm" deb nom­langan yangi qudratli harakat shakllandi. Davlatning ijti­moiy xarajatlarini qisqartirish va harbiy xarajatlarni oshirishga intilish uning asosiy ko’rinishlaridan biri bo’ldi. J.Karter asosiy sababi aynan harbiy xarajatlar bo’lgan inflyatsiya bilan kurash bahonasida oylik ish haqini oshirmaslik, ijtimoiy xarajatlarni qisqartirish va shu tariqa mehnatkashlar ommasi hisobiga "qat’iy iqtisodiyot" siyosatini olib borish dasturini amalga oshirdi. Bu ishchilarning ommaviy noroziligiga olib keldi. Mamlakatda fermerlik harakati jonlandi. Fermerlar qishloq xo’jalik mahsulotlariga narxlarni davlat tomonidan qo’llab-quvvatlash tizimini tiklashni talab etishdi. Amerikaning tub aholisi bo’lgan hindular harakati faollashdi. 1978-yilda Vashingtonda hindular­ning qirilib ketishga mahkum etgan genotsid va irqiy ta’qiblarga qarshi umummilliy yurishi bo’ldi. Mamlakatda demokratik harakatning yangi ko’tarilishi boshlandi.
J.Karterning tashqi siyosati AQSH o’z tashqi siyosatida Misr va Isroil o’rtasida tinchlik sulhi tuzishni tiqishtirish­ga muvaffaqiyatsiz urindi. 1978-yil sentyabrida Kemp­Devidda (AQSH) Misr prezidentiA.Sadat va Isroil bosh vaziri M.Begin o’rtasida imzolangan bitim butun arab dunyosida qoralandi. A.Sadatning o’ldirilishi bu jara­yonga chek qo’ydi. 1979-yil noyabrdagi Eron Islom inqilobining g’alabasi AQSHni Yaqin Sharqdagi muhim strategikjoy­lardan mahrum etdi.AQSH va SSSR o’rtasidagi munosabatlar jiddiy ra­vishda yomonlashdi. SSSRning Afg’onistonga bostirib kirishini ro’kach qilgan J.Karter hukumati Moskvadagi Olimpiya o’yinlarini boykot qildi, SSSRga don va boshqa tovarlar yetkazib berishdan bosh tortdi, fan-texnika sohasida almashuUlarni chekla­di. Amerika xalqiga tashqi siyosatdagi ko’rinib turgan barbodliklar og’riqli ta’sir etdi. Mamlakatda neokonser­vatizmning iqtisodiy g’oyasi tez sur’atlarda rivojlana boshladi.