Jahon tarixi 11 1-§. "Sovuq urush"ning boshlanishi

Uinston Cherchill (1874-1965) - Buyuk Britaniya bosh vaziri (1940-1945, 1951-1955). U gitlerchilarga qarashli koalitsiyani tashkil etish tashabbuskorlaridan biri bo’lgan, yangi urushning oldini olish maqsadida BMTni mustahkam­lashga chaqirgan.
Antoni Iden (1894-.1977) - Buyuk Britaniya bosh vaziri (1955-1957). U bir necha tashqi siyosiy ishlardagi muvaf­faqiyatsizliklardan so’ng iste’foga chiqdi.
Garold Makmillan (1894-1986) Buyuk Britaniya bosh vaziri (1957-1963). qurollanishni kuchaytirish siyosatini olib bordi. ..
Konservativ hukumat po’lat quyish sanoatini dena­tsionalizatsiya qildi, biroq "farovonlik jamiyati"ni barpo etish dasturini (bepul tibbiy xizmat, uy-joy qurilishi) amalga oshirishda davom etdi. Ayni paytda Britaniya imperiyasi yemirilishda davom etmoqda edi. Ingliz hukmron doiralarining 1956-yilda Misrda o’z hukmronligini saqlab qolish va kuch bilan o’z talablariga bo’ysundirishga so’nggi urinishi to’liq barbod bo’ldi. SSSR Misrni himoya qilib chiqdi, 1956­ yil dekabrda ingliz-fransuz qo’shinlari Misrdan olib chiqib ketildi. Bu ingliz tashqi siyosatining butun mamlakat tari­xidagi eng qaqshatqich muvaffaqiyatsizlikka uchrashi edi. Angliya Osiyoda o’z ta’sirini yo’qotdi va to’liq yakkalanib qoldi. Hatto AQSH ham uni qo’llab-quvvat­lashdan bosh tortdi. Jahon siyosatiga Angliya ta’sirining tanazzulga uchra­shi 1964 yil hokimiyatga kelgan leyboristlar hukumatida ham davom etdi. Bosh vazir Garold Vilson mamlakatdagi iqtisodiy ahvolni yaxshilay olmadi. Valyuta yana qadrsizlandi, Vilsonning Angliyani "Umumiy bozor"ga qabul qilinishiga urinishi barbod bo’ldi, chunki Fransiya bunga qarshi chiqdi. 1970-yili konservator Edvard Xit bosh vazir bo’ldi. Uning eng yirik muvaffaqiyati Angliyaning 1973-yili "Umumiy bozor"ga qabul qilinishi bo’ldi. Biroq u tred­yunionlar bilan kurashda muvaffaqiyatsizlikka uchradi va 1973-74-yillar qishida tog’-kon sanoatida inqiroz boshlandi.