Prezident muallim va shifokorlarning oylik ish haqini

Adolatli ijtimoiy siyosat yuritish, inson kapitalini rivojlantirish yo'nalishi
Prezident muallim va shifokorlarning oylik ish haqini bosqichma-bosqich oshirish zarurligini ta'kidlab, buning uchun qo‘shimcha mablag‘ yo‘naltirishni taklif qildi.
Qayd etilishicha, davlat budjeti loyihasida uy-joylar va ijtimoiy obektlar qurish, mahallalarni obod qilish uchun 26 trillion so‘m ajratilishi rejalashtirilgan.
“Bu sohalarga shu kungacha bunday katta mablag‘ berilmagan. Endi buni tartibli, samarali tarzda joy-joyiga yetkazish kerak. Shuning uchun har bir dastur bo‘yicha ajratiladigan mablag‘larni maqsadli ko‘rsatkichlar bilan bog‘lagan holda, elektron nazorat tizimini joriy etish lozim”, – dedi Shavkat Mirziyoyev.
O‘zbekistonda 2024 yilga borib o‘qituvchilarning maoshini 1000 AQSH dollari ekvivalentiga yetkazish rejalashtirilyapti. Bu haqda Xalq ta’limi vaziri o‘rinbosari Temur Komilov matbuot anjumanida aytib o‘tdi.
Vazir o‘rinbosariga ko‘ra, 2018 yildan bugungacha o‘qituvchilarning maoshi 2 bosqichda oshirilgan. Avval o‘qituvchining o‘rtacha ish haqi 1,4 mln so‘m atrofida bo‘lgan bo‘lsa, hozirgi kunga kelib, 1,5 baravarga oshirilib, 2,6 mln so‘mga yetkazildi.
“Prezidentimizning topshirig‘iga ko‘ra, o‘qituvchilarning oyligini 2024 yilgacha xalqona tilda aytganda 1000 dollarga yetkazishni mo‘ljallaganmiz va bu masalada takliflar tayyorlanmoqda. Bu bo‘yicha Moliya vazirligi bilan ham ishlaymiz.
Qaror loyihasi ishlab chiqilgach, uni albatta, jamoatchilik, xususan, o‘qituvchi-ustozlarimiz bilan muhokama qilamiz", dedi Temur Komilov.
Temur Komilovning ta’kidlashicha, o‘qituvchilarning maoshini 1000 dollarga yetkazishda ularning toifasi ham inobatga olinadi.
Oʼzbekiston Respublikasi Xalq taʼlimi vazirligi mamlakatimiz maktablarida taʼlim sifatini oshirish boʼyicha ustuvor vazifalarni belgilab olgan va bu yoʼnalishda amaliy ishlar boshlandi.
Eslatib oʼtamiz, Oʼzbekiston Respublikasi Prezidenti Shavkat Mirziyoev raisligida 23 avgust kuni xalq taʼlimi tizimini rivojlantirish, pedagoglarning malakasi va jamiyatdagi nufuzini oshirish, yosh avlod maʼnaviyatini yuksaltirish masalalariga bagʼishlangan videoselektor yigʼilishi boʼlib oʼtdi.
Videoselektor yigʼilishida mahalliy hokimliklar maktab infratuzilmasini yaxshilash, kommunal xizmatlarning uzluksizligini taʼminlash, oʼquv yili va kuz-qish mavsumiga tayyorlash kabi masalalarga masʼulligi belgilandi.
Xalq taʼlimi vazirligi esa maktablarda taʼlim sifatini oshirish, taʼlim muassasalarini malakali kadrlar bilan taʼminlash, oʼqituvchi mavqeini oshirish, oʼquv dasturi va darsliklar mazmunini takomillashtirish vazifalari topshirildi. Shu bilan birga xalqaro taʼlim dasturlarining (STEAM) ijobiy natijalarini oʼrgangan holda milliy taʼlim dasturlarini yaratish, xalqaro baholash dasturlarini (PISA va PIRLS -2021) tatbiq etish belgilab berildi.
Oʼzbekiston Respublikasi Xalq taʼlimi vazirligi taʼlim sifatini oshirish boʼyicha qator ishlarni amalga oshirib kelmoqda.