Jahon tarixi 11 1-§. "Sovuq urush"ning boshlanishi

1998-yilning iyunidagi talabalar namoyishidan bosh­langan norozilik to’lqini prezident Suxartoni iste’foga olib keldi. Biroq bu iste’fo mamlakatda hech narsani o’zgartirmadi. Davlat apparatida korrupsiya gullab-yash­nadi, qo’shin o’z zo’ravonligini saqlab qoldi. 1998-yilning noyabrida Xalq maslahat kongressining navbatdan tashqari sessiyasi bo’lib, unda Indoneziyaning (uchinchi) prezidenti etib Baxarutdin Habibiy - ilgarigi tuzum merosxo’ri saylandi. Mamlakatda namoyishlar boshlandi. Namoyishchilar tezroq umumiy saylovlar o’tkazilishi, Suxarto faoliyatini tekshirish, qo’shinni mamlakat siyosiy hayotidan bartaraf etishni talab qiladi. Hokimiyat yangi yon berishlarga majbur bo’ldi. 1999-yilning oktyabrida mamlakatda umumiy saylovlar o’tkazildi, ularda musulmon diniy partiyasi "Naxdatul Ularo" yo’lboshchisi Abdurahmon Vohid g’alaba qozondi, u mo’tadil islohotlar, milliy yarashuv tarafdori bo’lib chiqdi. Mamlakat jahon kapitali uchun ochildi, transmilliy korporatsiyalar hukmronligini qaror toptirish uchun eng qulay sharoitlarni yaratdi. Biroq bu ahvolni yaxshilama­di. Inflyatsiya 1999-yilda 20 foizni tashkil etdi, iqti­sodiyotning o’sishi nolga teng bo’ldi. Mamlakatda qim­matchilik kuchaydi. Indoneziyada ko’porolli davlatning parchalanish jarayoni boshlandi. Indoneziya arxipelagining uch ming orollaridan eng yirikrog’i Timor bo’lib, uning sharqiy qismida 660 ming kishi yashaydi. Qariyb chorak asrlik kurash natijasida Sharqiy Timor jahon hamijamiyati yor­damida mustaqillikka erishdi. Arxipelagning boshqa oroli - mamlakatda ishlab chiqariladigan siqiq gazning uchdan biri, ulkan neft, kofe, turli minerallar joylashgan Achaxeda ham shunga o’xshash voqealar yuz berdi. Xalq noroziligining yana yangi to’lqini yuzaga keldi. Indoneziyaliklar yana ko’chalarga chiqishdi, namoyish­lar bosimi ostida 2000-yil avgustda Abdurahmon Vohid Milliy Assambleya talabiga ko’ra muxolifat yo’l­boshchisi, Sukarnoning qizi Megavati Sukarnopuri bilan hokimiyatni birga boshqarishga rozilik berdi. Vohid oxir-­oqibatda iste’foga chiqdi va Sukarnoputi mamlakat prezidenti bo’ldi.