«iqtisodiyot» kafedrasi «Makroiqtisodiyot» fanidan Mavzu

Samarali instrumentlar to‘plami
Inflyasion targetlashga o‘tishda amaldagi instrumentlarni qayta ko‘rib chiqish hamda takomillashtirish, shuningdek, bozor tamoyillari asosida ishlovchi yangi instrumentlarni amaliyotga joriy etish uchun zaruriy poydevor yaratish muhim ahamiyat kasb etadi. Bu inflyasiyani ma’muriy usullar bilan emas, balki faqat bozor mexanizmlari orqali targetlash mumkinligini anglatadi.
Buning uchun instrumentlarning ko‘lami etarli darajada keng bo‘lishi va iqtisodiyotning ichki talablariga moslashuvchan bo‘lishi lozim. Bu pul-kredit siyosatining barcha transmission kanallari (foiz kanali, kredit kanali, kutilmalar kanali, aktivlar bahosi kanali va valyuta kanali) xususiyatlari va ta’sirlarini sinchiklab o‘rganishni taqozo etadi.
Kommunikatsion siyosat
Xalqaro tajribaga muvofiq, pul-kredit siyosati izchil va shaffof bo‘lganida uning samaradorligi ancha ortadi. Samarali kommunikatsiya, ayniqsa, inflyasion targetlashda muhimdir. CHunki u markaziy bankka bozorlar ishonchini qozonish va inflyasion kutilmalarni boshqarishda ko‘maklashadi.
Kommunikatsion siyosat o‘z ichiga moliyaviy va pul-kredit ko‘rsatkichlari to‘liq to‘plamini doimiy ravishda tarqatib turishni Markaziy bank o‘z maqsadlarini oshkor etib borishini va qabul qilinayotgan qarorlar sabablarini tushuntirib berishini qamrab oladi. Markaziy bank pul-kredit siyosatini qanday qilib ishlab chiqishi va amalga oshirishini, shuningdek, uning maqsad va instrumentlarini bozor ishtirokchilari uchun ravshan va oson tushuniladigan darajada etkazib berishi kerak.
Bunda doimiy ravishda sharhlar, hisobotlar hamda ma’ruzalar e’lon qilib borilib, Markaziy bankning muhim qarorlari bilan birgalikda ularning mohiyati batafsil tushuntirib berilgan press-relizlar chop etiladi.