Nazariy bilish tushunchasining ma’no mazmuni

AIM.UZ

YuRIDIK PSIXOLOGIYaNINGMETODOLOGIK ASOSLARI
Reja:

1. 
   Nazariy bilish tushunchasining ma’no mazmuni.
   
2. 
   Yuridik psixologiya fanida nazariy bilishning asosiy metodologik tamoyillari.
   
3. 
   Yuridik faoliyatda shaxsni o’rganishning psixologik usullari.
   
4. 
   Yuridik amaliyotda shaxsga psixologik ta’sir ko’rsatish usullari.
   

Tayanch tushunchalar:
Bilish – o’rganish, bilimni oshirish
Nazariy bilish - faqat nazariy tushunchalarni o’zlashtirish
Metodologik tamoyil - fanga oid uslubiy tushuncha va qoidalar
Psixologik usullar - fan bilan bog’liq ruhiy usullar(suhbat, kuzatish, test kabilar)
Psixologik ta’sir - jinoyatchi, jabrlanuvchi, gumonlanuvchi kabi shaxslarga nisbatan ko’rsatiladigan ruhiy ta’sirlar (verbal va noverbal vositalar orqali)
Verbal ta’sirlar - so’z orqali ko’rsatiladigan ta’sir
Noverbal ta’sirlar - mimika, pantomimika, qiyofa, pauza kabilar orqali ko’rsatiladigan ta’sirlar

1. 
   Nazariy bilish tushunchasining ma’no mazmuni.
   

Bilish deganda nimani tushunasiz?

Yuridik psixologiya nazariy, ilmiy-pedagogik predmet bo’lib, «inson-huquq» tizimining psixologik qonuniyatlarini o’rganadi, bu tizimni takomillashtirishga yo’naltirilgan tavsiyalarni ishlab chiqadi. Yuridik psixologiya huquqiy munosabatlar tarkib topgan sharoitda shaxs va uning faoliyati psixologik qirralarini o’rganar ekan, faqat tizimli yondashuv tufayligina zimmasidagi keng qamrovli vazifalarni hal etishi va muvaffaqiyatli rivojlanib borishi mumkin. Psixologiya va yurisprudentsiyaning uyg’unlashuvi har ikkala fanni boyitadi, eng muhim muammolardan biri – huquq-tartibot va sudlov faoliyatida ijtimoiy adolat mezonlari tantana qilishini ta’minlaydi. Buning uchun esa avvalo yuridik psixologiya fanini nazariy jihatdan asoslab chiqish, materiallarni puxta tayyorlash usullarini izlab topish lozim.

Tabiat hamda jamiyatdagi narsalar, hodisalarning qonuniy bog’liqligi va o’zaro munosabatga kirishishi jarayonining kishi ongidagi in’ikosi jarayoni tafakkur deyiladi. Nazariy bilish asosida tafakkurimiz turadi. Tafakkur sezish, idrok qilish orqali bilish jarayonidan boshlanadi. So’zlar fikrning zarur moddiy ifodasini yaratadi.Inson fikri obrazlar, tushunchalar va mulohazalar yordamida shakllanadi. Tafakkur jarayoni tushuncha , hukm va xulosa chiqarishdan iborat. Bundan tashqari tahlil (analiz), sintez va umumlashtirish shakllari ham mavjud. Shaxs o’z tafakkuri orqali nazariy bilimlarni egallaydi.