I. Курс ишини тайёрлаш ва бажариш

2.5. Титул варағини тузиш

Титул варағи 2-иловада келтирилган намунага мувофиқ тузилади.

2.6. Курс иши матнини тузиш

Курс ишлари:

1. Компьютерда босилган ва график мосламалар (м-н: диаграммалар, жадваллар) ёрдамида. Шрифт ўлчами 12-14, сатрлараро бир ярим оралиқда, Word матн муҳарририда ёзилади. Тайёр бўлган курс иши принтерда чоп этилади.
2. Қўлёзма усули. (А4 форматли оқ қоғоз варағининг бир томонида шарикли ручкада, қора ёки кўк рангли сиёҳда аниқ ва тушунарли дастхат билан бажарилади. Сатрлар ўртасидаги масофа 6-8 мм ни ташкил этиши лозим. Хатолар ва бошқа ноаниқликларни ўчириб ташлаш ёки оқ бўёқ билан бўяб, устидан тўғри матнни ёзиш йўли билан тузатишга, шунингдек, хато устига тўғри матн ёзилган қоғоз парчаларини ёпиштиришга йўл қўйилмайди). Шаклида бажарилиши мумкин.
Ишнинг матнида барча қисқартиришлар (Масалан:ЎзР ЖК, ЖИК, ЖПК ва ҳ.к.) тўлиқ кўрсатилиши лозим, умумий қабул қилинган айрим қисқартиришлар бундан мустасно.
Талаба олдиндан изоҳ бериб ёки матнда қавс ичида кўрсатиб ўз шартли қисқартиришларини киритиши ва улардан фойдаланиши ҳам мумкин.
Масалан:
Ўзбекистон Республикаси (кейинги ўринларда матнда ЎзР деб юритилади) 1991 йилда ўз давлат мустақиллигини эълон қилди.
Агар қисқартиришлар кўп (бешта ва ундан ортиқ) бўлса, улар курс ишига қўшимча илова сифатида келтирилиши мумкин.
Курс ишининг сўнги саҳифасида талаба уни имзолайди. Бу курс ишининг талаба томонидан мустақил бажарилганини тасдиқлайди.
Фойдаланилган адабиётлар рўйхатидан кейинги саҳифа қуйидаги ча якунланмоғи зарур:
Курс ишини тайёрлади
талаба
/имзо/ /фамилия, исм-шарифи/

Расмларни тузиш

Расмлар (графиклар, схемалар, диаграммалар, фотосуратлар ва ҳ.к.) курс ишида бевосита улар илк бор зикр этилган матндан кейин ёки навбатдаги саҳифада жойлаштирилади.

Ўлчами А4 форматидан кичкина бўлган фотосуратлар оқ қоғознинг стандарт варақларига елимланган бўлиши лозим.
Расмлар, зарур ҳолда, номларга ва изоҳловчи битиклар (расм остидаги матн)га эга бўлиши мумкин. “Расм” (“схема”, “график” ва ҳ.к.) сўзи ва расмнинг номи изоҳловчи маълумотлардан кейин ёзилади ва қуйидагича жойлаштирилади: 1-схема – Жиноят таркиби.
Расмлар, иловалардан ташқари, араб рақамлари билан бутун иш доирасида ёки бўлим доирасида рақамланиши лозим. Масалан: 2-диаграмма ёки 1.2-диаграмма, яъни биринчи бобдаги иккинчи диаграмма.
Агар ишда фақат битта расм мавжуд бўлса, у фақат сўз билан ифодаланади, масалан, “Расм”.

7.