I. Курс ишини тайёрлаш ва бажариш

2.11. Фойдаланилган адабиётлар рўйхатини тузиш

Курс ишини тўғри тузиш учун фойдаланилган адабиётлар рўйхатини тузиш муҳим аҳамиятга эгадир.

Бу рўйхатга фақат курс ишини тайёрлаш ва ёзишда ўрганилган ва фойдаланилган адабиётларнинг иш матнида ҳаволалар қилинган қисмигина киритилиши лозим.
Фойдаланилган манбаларни қуйидаги гуруҳлар бўйича тизимга солиш мақсадга мувофиқдир:

1. 
   Раҳбарий адабиётлар.
   

II. Норматив ҳужжатлар ва суд амалиёти.
III. Махсус адабиётлар.
II бўлимга қуйидагилар киритилади:

• 
  Ўзбекистон Республикаси томонидан ратификация қилинган
  

халқаро шартномалар;

• 
  Ўзбекистон Республикасининг Конституцияси;
  
• 
  Ўзбекистон Республикаси кодекслари;
  
• 
  Ўзбекистон Республикаси қонунлари;
  
• 
  Ўзбекистон Республикаси Олий суди Пленуми қарорлари.
  

Норматив ҳужжатларни уларнинг юридик кучи пасайиб бориши тартибида рақамлаш талаб этилади. Норматив ҳужжатларнинг ҳар бири гуруҳи доирасида материа­ллар хронологик тартибда жойлаштирилади.
Фойдаланилган норматив ҳужжатлар рўйхатини тузиш мажбурийдир. Бунда расмий нашрларда эълон қилинган норматив ҳужжатлардан фойдаланиш лозим. Айрим ҳолларда, агар у ёки бу норматив ҳужжатни топиш қийин бўлса, унинг норасмий адабиётлар (норматив ҳужжатлар тўпламлари, айрим тузувчилар тузган тўпламлар ва ҳ.к.)даги нашрларига ҳаволга қилишга йўл қўйилади.
I ва III бўлимда фойдаланилган адабиётлар ҳақидаги маълумотлар рўйхатда сатр остида кўрсатилган “сноска”лардаги каби, фақат айрим аниқликларни киритган ҳолда баён этилади:

• 
  манбалар алифбо тартибида жойлаштирилиши лозим;
  
• 
  ҳавола ёки қоида олинган манбанинг саҳифаси эмас, балки асардаги саҳифаларнинг умумий сони кўрсатилади;
  
• 
  агар иш алоҳида китоб сифатида нашр этилган бўлса, китобдаги саҳифаларнинг умумий сони кўрсатилади; агар иш асарлар тўпламида, мақолалар тўпламида ёки журналда нашр этилган бўлса, мазкур иш (боб; параграф) бошланадиган ва тугалланадиган саҳифаларнинг рақамлари ўртасига тире қўйиб кўрсатилади. Масалан: 16-19 б.
  

Ишнинг II бўлимида манбалар муаллифлар фамилияларининг ёки номларининг ҳарфи бўйича; айни бир муаллифнинг асарлари хронологик тартибда жойлаштирилади.
Рўйхатдаги адабиётлар кетма-кет рақамланган бўлиши лозим.
Фойдаланилган адабиётлар рўйхатини тузиш намунаси 4-иловада келтирилган.