I-чет эл валютаси бўйича биржа савдоларига оид саволлар

13. Своп битимининг ёпилишида пул маблағларини ўтказиш тартиби қандай?
ЎзРВБда валютавий своп операцияларини ўтказиш қоидалари”нинг 4.15. бандига мувофиқ:
Своп битимининг ёпилиш санасида своп битимининг томонлари бўлган Дилерлар ЎзРВБнинг махсус ҳисобрақамларига своп битимлари бўйича мажбуриятларини тўлиқ бажариш учун етарли миқдорда тегишли валютада пул маблағларини ўтказадилар.


III-Хавфсизлик ва ахборотни ҳимоя қилишга оид саволлар


1. ЎзРВБ биносига трейдерлар кириб чиқишини рухсатномалар асосида ташкил қилишнинг моҳияти нимадан иборат?

“ЎзРВБ ҳудуди ва биносига кириб-чиқиш тартибини ташкил этиш тўғрисида”ги йўриқномага мувофиқ ЎзРВБ биносига бегона шахслар киришига йўл қўйилмайди. ЎзРВБ биносига ташриф буюрувчи ваколатли банкларнинг трейдерлари фақат раҳбарият томонидан тасдиқланган рўйхат асосида киритилади. ЎзРВБ биносига фото ва видеоёзув қурилмаларини олиб кирмаслик, ЎзРВБнинг тижорат сири ҳисобланган маълумотларни ошкор этмаслик, ахборот муҳофазасини таъминлаш, тижорат сири ҳисобланган маълумотларни ЎзРВБдан ташқарига чиқишига йўл қўймасликдан иборат.

2. ЎзРВБда хавфсизликни таъминлаш мақсадида ташриф буюрувчилар учун нималар таъқиқланади?


“ЎзРВБ ҳудуди ва биносига кириб-чиқиш тартибини ташкил этиш тўғрисида”ги йўриқномага мувофиқ тасвирга олувчи воситалар, фотоаппарат, радиотўлқинларни қабул қилувчи ва узатувчи аппаратларни, ҳамда шахсий фойдаланишдаги нусха кўчириш аппаратларини ЎзРВБ биносига, ҳисоблаш техникаси воситалари объектига, электрон тўловларнинг автоматлаштирилган жойига олиб кириш таъқиқланади.
Банк сирини ташкил этувчи маълумотлардан очиқ хизмат ёзишмаларида, диссертацияларда, мақолаларда, маърузаларда фойдаланиш таъқиқланади.
Банк сирини ташкил этувчи маълумотлар ҳақида алоқа каналлари орқали учинчи шахслар билан мулоқотда бўлиш таъқиқланади.


3. Ўзбекистон Республикаси «Давлат сирини сақлаш тўғрисида»ги Қонун қачон қабул қилинган ва унинг моҳияти?
Ўзбекистон Республикаси «Давлат сирини сақлаш тўғрисида»ги Қонун 1993 йил 7 майда қабул қилинган. Ушбу Қонун давлат ҳокимияти ва бошқарув органлари, мулк шаклидан қатъи назар, корхоналар, муассасалар, ташкилотлар ва бирлашмалар, Ўзбекистон Республикасининг ҳарбий тузилмалари ва фуқароларининг республика ҳудудидаги ҳамда унинг ташқарисидаги фаолиятининг барча турларида давлат сирларини сақлашнинг ҳуқуқий асосларини белгилаб беради.
Давлат томонидан қўриқланадиган ва махсус рўйхатлар билан чегаралаб қўйиладиган алоҳида аҳамиятли, мутлақо маҳфий ва маҳфий ҳарбий, сиёсий, иқтисодий, илмий-техникавий ва ўзга хил маълумотлар Ўзбекистон Республикасининг давлат сирлари ҳисобланади.
Давлат сирлари Ўзбекистон Республикасининг мулкидир.
Давлат сирларини сақлашнинг ҳуқуқий асоси Ўзбекистон Республикаси Конституцияси, ушбу Қонун ва унга мувофиқ равишда чиқариладиган Ўзбекистон Республикасининг бошқа қонун ҳужжатларидан иборат.